Александар Станисавлевич: "Нефтчи"дан кўпроқ вазият яратдик, ғалаба қозонишимиз керак эди"

Мазкур ўйиндан сўнг унинг фикрларини тингладик. 

"Жамоадаги барчанинг меҳнати бу. Лекин ўйинни томоша қилганларнинг барчаси биз кўпроқ имкониятлар яратганимизни, гол уриш учун хавфли вазиятлар етарли бўлганини ва ғалаба қозонишимиз кераклигини кўрди", – дейди Александар Станисавлевич. 

- Фузайлов ва Бакаев икки хил услубдаги мураббийлар ҳисобланади. Қайси бири билан ишлаш кўпроқ қизиқарли бўляпти?

- Тўғри айтдингиз. Бир-биридан фарқ қиладиган мураббийлар. Бироқ мен учун ҳаммаси бир. 

- Пенальти бормиди?

- Муҳими пенальти қўйилди ва мен гол урдим. Бор гап шу. 

- Ўтган йили мавсумнинг энг яхши ассистенти бўлган эдингиз. Мавсум сиз ва жамоангиз учун муваффақиятли бошланмади. Сўнгги турларга эътибор берсак, ўзингизни қайтадан кўрсатишни бошладингизми?

- Мен доим ўзимга ишонаман. Бир мунча вақтдан сўнг ҳаммаси яхши бўлишини билгандим.

Абдулазиз Искандаров