Алдервейрелд “Рома” билан шахсий шартномасини келишиб олди
14 июл 2019 08:50
Янгиликлар

Алдервейрелд “Рома” билан шахсий шартномасини келишиб олди

“Тоттенҳэм” ҳимоячиси Тоби Алдервейрелд “Рома”га ўтишга яқин турибди, дея хабар бермоқда Calciomercato.

Манбанинг хабарига кўра, Белгия терма жамоасининг 30 ёшли футболчиси Рим клуби билан шахсий шартномани келишиб олган. Унга кўра, футболчи клуб билан тўрт йиллик шартномаси давомида йилига 3 миллион евро маош олиши кутилмоқда.

Алдервейрелд 2015 йилнинг июлидан бошлаб “Тоттенҳэм” шарафини ҳимоя қилиб келмоқда. Футболчининг Лондон клуби билан шартномаси 2020 йил ёзида ниҳоясига етади.

Якунига етган мавсумда Тоби “Тоттенҳэм” сафида 50 та (барча турнирларда) учрашувда майдонга тушди. “Шпорлар” АПЛ турнир жадвалида тўртинчи ўринни эгаллашди ва ЕЧЛ финалига қадар етиб боришди.

Ҳавола :

Манба : Calciomercato

Янгиликларни Телеграмда ўқинг!

Рейтинг: +1