Альбельда фаолиятини якунлаганлигини эълон қилди

Клуб футболчи билан 2012/13 мавсуми якунланганидан кейин шартномани узайтирмаслигини айтганидан сўнг, 35-ёшли Альбельда Испанияда бошқа ўйнамаслигини лекин бошқа хориж клебларидан таклиф тушган тақдирда, ушбу таклифни ўйлаб кўришини айтган. Бироқ тушган таклифларнинг ҳеч бири Альбельдани қизиқтирмаган.

“Валенсия” клубининг собиқ сардори, клуб таркибида 1996 йилдан бери ўйнаб келади. Шу давр мобайнида 2 маротаба ижарага “Вильярреал” сафида ҳам ўйнаган (1996 ва 1998 йиллар). Умумий 15 мавсум давомида Альбельда 481 та ўйин ўтказган ва 9 та гол уришга эришган.

Футболчи жамоа билан биргаликда 2004 йил Кубокни ва УЕФА Суперкубокни ютган. Шу билан биргаликда у 2002 ва 2004 йилларда Испания чемпиони бўлган. Испания терма жамоаси сафида Альбельда 51 та учрашувни ўтказган.