UZ

Сўнгги янгиликлар

17:21Моуринью "Ман Сити"нинг қоидабузарликлари ҳақида: "Қонун бўйича 2017/18 мавсумда МЮ чемпион бўлиши керак эди"  0 16:59"Челси" 19 ёшли ҳимоячи - Хатони сотиб олмоқчи  2 16:11Уэсли Снейдер: "Салоҳни тарихдаги энг буюк футболчилардан бири деб ҳисоблаш мумкин"  2 15:49Жозе Моуринью: "Илгари кўпроқ пул топгани энг яхши мураббий деб ҳисобланарди, энди эса – энг яхши образга эга бўлгани. Бугун энг муҳими – юқори даражали пиарга эга бўлиш"  5 15:31Иванович ва Швайнштайгер тўққиз йиллик турмушдан сўнг ажрашишди  1 15:13Артета АПЛдаги рақобат ҳақида: "Лигада биздан бошқа яна 6-8 та клуб соврин учун бемалол кураша олади"  0 14:54Ўзбекистон U-23 - Саудия Арабистони U-23. Энг яхши уч футболчи ким бўлди?  1 14:26Исак унга бўлган қизиқишлар фонида "Ньюкасл"даги йиллик маошини сезиларли даражада ошириб олмоқчи, аммо...  2 14:00Снейдер Моуринью ҳақида: "2010 йилда Жозе бизни ҳар кимни мағлуб этишимиз мумкинлигига ишонтирган"  2 13:24ФОТОГАЛЕРЕЯ. Ўзбекистон U-23 – Саудия Арабистони U-23 3:1  0 13:23"Like Cup" якунланди: "Ал Бадр" - чемпион!   5 13:08Ўтган мавсум 1 та гол урган АПЛ футболчиси Шомуродов ўрнига "Рома" ҳужумчисига айланди  10 12:46Снейдер "Олтин тўп" ҳар доим ҳам муносибларга насиб этмайди деб ҳисоблайди  33 12:19"Бенфика" ўзи учун рекорд сумма - 27 млн. еврога футболчи сотиб олди  3 12:00"Тоттенхэм" "Реал" вингерини сотиб олмоқчи  0

"Ал Файсали" бош мураббийидан аэропортда олинган интервью Янгиликлар

"Ал Файсали" бош мураббийидан аэропортда олинган интервью

Хабарингиз бор, эртага Қаршининг "Насаф" клуби ўз майдонида ОЧЛ гуруҳ босқичига чиқиш учун Иорданиянинг "Ал Файсали" жамоасига қарши баҳс олиб боради.

"Ал Файсали" аъзолари ҳалиям Тошкентдаги маҳаллий аэропортда Қаршига учадиган рейсни кутишмоқда. Ноқулай об-ҳаво шароити туфайли самолёт ҳали кўтарилгани йўқ. Ҳозирча қачон учиши номаълум. Аэропортда бўлиб турган сайтимиз ходими Шаҳбоз Беғамов фурсатдан фойдаланиб "Ал Файсали" бош мураббийи Небойса Йововичдан интервью олди.

- Белгиланган вақтда учиб кета олмаётганимиз жамоангизга таъсир кўрсатадими?  
- Биз об-ҳавони ўзгартира олмаймиз. Албатта, вазиятга қараб иш тутяпмиз. Вақтида учиб кета олмаётганимиз ҳаммани асабийлаштиряпти, лекин илож қанча. Биз анчадан пайтдан бери аэропортда турибмиз. Ҳаммасига хотиржам қарашга ҳаракат қиляпмиз.

- "Ал Файсали" охирги 5-6 йил ичида 22 марта бош мураббийни ўзгартирган. Бунинг боиси нимада?
- Тўғриси, мен бу ҳақда ўйлаётганим йўқ. Қолаверса, бу саволга клуб раҳбарлари жавоб беради. Ўтган йил ўзим шу жамоада ишни бошлагандим, кейин Мисрга кетдим ва яна қайтиб келдим. Қўл остимда бу жамоа учта совринни қўлга киритди: чемпионлик, Кубок ва Суперкубок. Шунингдек, араб чемпионлар лигасининг финалида ўйнадик. Мен аслида "Ал Файсали"дан кетмоқчи эмасдим, чунки яхши жамоани шакллантираётгандим, аммо шундай бўлиб қолди.

- "Ал Файсали" олдига ОЧЛда қандай вазифа қўйилган?
- Эртанги ўйин ҳақида гапирадиган бўлсам, аввало мухлисларга Иордания футболини кўрсатмоқчимиз. Яхши ўйнаб гуруҳга чиқсак, бундан ҳаммамиз хурсанд бўламиз.

- "Насаф"ни қанчалик ўргандингиз?
- Албатта, рақиб ҳақида яхши маълумотга эгамиз. "Насаф" кучли жамоа эканини биламиз. Бу клубда тўп тепаётган Драган Черан ўз вақтида Саудия Арабистонида қўл остимда ўйнаганди. Уни яхши ҳужумчи деб ҳисоблайман.

- Черандан ташқари яна кимларни биласиз?
- Рақиб футболчиларини ўрганиш мураббийнинг иши. Буни яхши биламан. Аммо мени кўпроқ номлар эмас, балки жамоанинг ўйин услуби, умуман қандай футбол ўйнаши қизиқтиради.

- "Ал Файсали" "Насаф"га қарши қандай ўйин намойиш этади: ҳужумкорми ёки ҳимоявийми?
- Футбол тактикаси оддий: гол уриш ва ўтказмаслик. Албатта, мен ҳозир барча карталарни оча олмайман, лекин бизнинг ҳам ўзимизга яраша режамиз бор. Айтиб ўтганимдек, чиройли ўйин кўрсатишни хоҳлаймиз. "Ал Файсали" оддий жамоа эмас ва буни эртанги ўйинда кўрасизлар.


Рейтинг: -38   

Фикрлар

championat.asia
< сўнгги янгиликларни кўриш
Яндекс.Метрика