Акром Комилов: "Тўп кўпроқ "Пахтакор" жамоасида бўлди, лекин, хавфли вазиятларни биз яратдик"

Ушбу турда мухлислар Тошкент дербиси гувоҳи бўлишди. Унда чемпионатнинг икки гранд клуби "Бунёдкор" ҳамда "Пахтакор" жамоалари ўзаро куч синашишди. Учрашувда "қалдирғочлар"нинг қўли баланд келди 1:0. Қизиқарли кечган баҳсдан сўнг "Бунёдкор" жамоаси футболчиси Акром Комилов ўз фикрларини билдириб ўтди.

"Пахтакор"га қарши ҳақиқий жанг бўлди. Мухлисларга ёқадиган ўйин бўлди. Бизнинг энг кучли тарафимиз, ҳимоядан қарши ҳужумга тез ўтиш. Яратилган  вазиятлардан унумли фойдаланишга ҳаракат қилдик. Охирида бу иш ўз фойдасини берди. Жамоадошларим билан бор кучимиз билан ғалаба қозонишга интилдик. Майдоннинг ҳар бир қарич ери учун кураш олиб бордик. Жамоавий ўйин эвазига ғалаба қозондик. Тўп кўпроқ "Пахтакор" жамоасида бўлди, лекин ҳавфли вазиятларни биз яратдик", - дейди Акром Комилов

Жаҳонгир Сотволдиев ёзиб олди