Акмал Рустамов: "Йигитларнинг барчасига раҳмат айтаман, улар бор кучи билан ҳаракат қилишмоқда"
29 июн 00:36
Янгиликлар

Акмал Рустамов: "Йигитларнинг барчасига раҳмат айтаман, улар бор кучи билан ҳаракат қилишмоқда"

Суперлиганинг 14-тури доирасида "Нефтчи"га қарши ўйиндан кейин "Қизилқум" мураббийи Акмал Рустамов матбуот анжуманида қатнашди.

- "Андижон" билан ўйиндан кейин жамоамизни "Нефтчи"га қарши ўйинга тайёргарликни бошладик. "Нефтчи" - Ўзбекистондаги энг кучли жамоалардан бири, таркиби шаклланган юлдузли футболчилардан иборат. Тактика томонидан ҳам ўзгаришлар қилгандик. Бундай ўйинлар битта голгача бўлиши мумкин эди. Рақиб ўз вазиятидан фойдаланди, биз ҳам рақибга жавоб қайтаришга муваффақ бўлдик. Йигитларнинг барчасига раҳмат айтаман, улар бор кучи билан ҳаракат қилишмоқда. Биринчи давранинг сўнгги ўйинини Ғузорда ўтказамиз ва у ерда ғалаба қозонишга ҳаракат қиламиз.

- Бугун бутун ўйин давомида ҳужумлар фақатгина чап қанотдан уюштирилди. Нима, таркибингизда ўнг қанотда муносиб футболчилар йўқми?

- Тўғри, чап қанотимиз кучли. Тактикани ҳам айнан чап қанотдаги ҳужумлар орқали ташкиллаштиряпмиз. Ҳужумга чиққанда 4 ҳимоячи қолиши керак, ўнг қанот ҳимоячимиз эса кўпроқ ҳимояда ўйнаши керак эди. Рақиб ўнг қанотдан ҳужумга ўтганида чап қанот ҳимоячимиз ҳам ҳимояга ёрдамга келади. Бу тактикамиз ҳали ўз натижасини беради.

- Ален Машович нега қайдномага кирмай қўйди? Умуман олганда таркибда ўзгаришлар бўладими?

- Машовичнинг 1 ойдан бери жароҳати бор, у тикланишни давом эттиряпти. Ўз ҳолатига қайтганидан кейин уни майдонда кўрамиз. Таркибда ўзгаришлар бўлади. Чизиқларни кучайтиришимиз керак. Иккинчи даврада яхши натижалар кўрсатамиз деган умиддаман.

Ҳавола :

Манба : championat.asia

Янгиликларни Телеграмда ўқинг!

Рейтинг: +2