АГМКни қарши ҳужум тактикасида мағлуб этдик - Рўзиқул Бердиев

"Жамоам тартибли ўйин намойиш этди. АГМК ўтган ўйинларда кетма-кет муваффақиятга эришиб келаётганди. Бугун ҳам рақибдан кўпроқ тўпга эгалик қилиб, ҳужумкор ўйин намойиш этишини кутгандим. Шу боисдан ҳам кўпроқ ҳимояга эътибор қаратиб, қарши ҳужум тактикасида ўйнадик. Ўйинга тузган режамиз ўзини оқлади. АГМКга кўпроқ ҳужумга ўтиш имконини бериб, ўзимиз иккинчи рақам остида ўйнадик. Футболчилар кўрсатмаларимни тўлиқ бажаришди. Натижада муҳим ғалабани тантана қилдик", - дея жамоа бош мураббийи Рўзиқул Бердиевнинг ўйин ҳақидаги фикрларини чоп этди клуб расмий сайти.