Абдусалом Азизов: "Одил Аҳмедов футболимиз афсонасига айланиб бўлди"

"Бугун ўзбек футболининг афсоналаридан бири Одил Аҳмедовни футболдан кузатиш маросимига йиғилган эканмиз. Аҳмедов Ўзбекистон терма жамоасида 100дан ортиқ ўйин ўтказиш, бу ўйинларнинг кўпида сардор сифатида жамоани бошқариши унча мунча футболчига насиб этмайди. Шу боис бемалол айта оламанки у Биродар Абдураимов, Миржалол Қосимов каби афсоналари қаторида ўз жойини топди.

Ўйлайнманки у футболни бутунлай тарк этгани йўқ. Ўзи асос солган "Одил Жуниор" академиясида ишлашда давом этади. Бундан ташқари ЎФА ва ПФЛда фаолият олиб боради ва юртимиз футболи ривожига ҳисса қўшишда давом этади", - деди Абдусалом Азизов.

ЎФА президенти Одил Аҳмедовга махсус "Олтин бутса" ва эсдалик совринларини топширди.