Абдурашид Исмоилов: "Хотира-79" бизга қарши яхши тайёргарлик кўрибди"
29 апр 2016 16:54
Янгиликлар

Абдурашид Исмоилов: "Хотира-79" бизга қарши яхши тайёргарлик кўрибди"

Ўзбекистон биринчилиги 6-туридан ўрин олган “УзДонгЖу” - “Хотира-79” баҳсидан сўнг “УзДонгЖу”жамоаси бош мураббийи Абдурашид Исмоилов фикрлари билан қизиқдик:

"Бугунги баҳс кутганимиздек жуда қийин кечди. “Хотира-79” жамоаси бизга қарши яхши тайёргарлик кўрибди. Ўтган ўйинда бўлгани сингари 1-бўлимда бир қанча вазиятлардан фойдалана олмадик , 2- бўлимда меҳмонлар ҳисобни тенглаштиргандан сўнг ҳам бир қанча вазиятлардан фойдалана олишмади. Баҳс сўнгида тажрибали ҳужумчимиз Ислом Каримов ғалаба тўпини киритиб муҳим 3 очкони келтирди.

Асосий таркибда ҳаракат қилаётган Акмал Жўрабоев, Ислом Каримов ва таркибдаги баъзи бир шогирдларимнинг жисмоний тайёргалиги яхши эмас сабаби улар яқинда жароҳатдан қутилиб сафга қайтишди. Ўйлайманки улар секин аста ўз ўйинларини топиб олишади.

Кейинги турда сафарда масъулиятли ўйинлар турибди. “Локомотив БФК”ва “Оқ-тепа”га қарши жиддий тайёргарлик кўрамиз. Асосан жисмоний тайёргарлик устида ишлаймиз ва сафардан ижобий натижалар билан қайтамиз –деб сўзини якунлади Абдурашид Исмоилов.

"УзДонгЖу" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +1