UZ

Сўнгги янгиликлар

02:20Хейлунд МЮдан кетганидан қаттиқ ҳафа бўлган. Ҳужумчи ўзини Шешкодан яхшироқ деб ҳисоблаганди  0 01:50УЕФА "Барселона"га EЧЛ лига босқичи давомида "Камп Ноу"га қайтишига рухсат беради. Регламентда бу тақиқланганди  0 01:35Диёр Холматов: "Янги либосларнинг сифатига гап йўқ"  9 01:15Расман: Гюндоган "Ман Сити"дан "Галатасарой"га ўтди. Трансфер турк клубига текинга тушди  0 00:52Русланбек Жиянов: "Курашларга бой ўйинда ғалаба қозондик"  0 00:38Карлуш Кейруш: "Мен футболчиларимни охиригача ўйнашга мажбурлайман"  9 00:03Ровшан Мередов: "Анча ишончли ўйин ўтказдик"  6 23:25Расман: ОЧЛ 2 арафасида "Андижон"ни легионер футболчилардан бири тарк этди  11 23:17Тимур Кападзе: "Мухлислар нега кам? Ушбу саволга биз ҳам жавоб қидиряпмиз. Легионерлар кейинги учрашувга тайёр бўлади"  36 23:03Равшан Ҳайдаров U-23 Осиё кубоги саралаши ҳақида: "Жамоамиз турнирга белгиланган режа асосида пухта тайёргарлик кўрди"  2 22:08Игорь Сергеев миллий жамоа тарихидаги тўпурарлар орасида олтинчи ўринга кўтарилиб олди  13 21:40CAFA Nations Cup. Туркманистон – Ўзбекистон 1:2  27 21:30CAFA Nations Cup. Бир киши кам бўлиб қолган Ўзбекистон Туркманистонни кичик ҳисобда мағлуб этди  273 20:55Қирғизистон бош мураббийи: "Ғалабамизни ўғирлашди"  7 20:33Топ лигалардан клуб топа олмаган Лукман Туркияга йўл олиши мумкин  1

А Серия. Лаутаронинг голи Милан дербисида "Интер"га ғалаба тақдим этди Янгиликлар

А Серия. Лаутаронинг голи Милан дербисида "Интер"га ғалаба тақдим этди

Теглар :  ИнтерМилан
Италия А Сериясининг 21-туридан ўрин олган "Интер" — "Милан" учрашуви якунланди.

"Интер" — "Милан" 1:0

Гол: 1:0 – 34 Мартинес.

Интер – Онана, Дармиан, Ачерби, Шкриньяр, Бастони, Димарко (Гозенс, 71), Аслани, Мхитарян (Брозович, 71), Чалханоглу (Гальярдини, 89), Барелла, Джеко (Лукаку, 71), Мартинес.

Милан – Тэтэрушану, Калабрия (Салемакерс, 55), Кьер (Ребич, 86), Габбия (Тиав, 70), Калулу, Эрнандес, Крунич, Тонали, Жиру, Ориги (Рафаэл Леау, 55), Жуниор Мессиас (Браим Диас, 46).

Огоҳлантиришлар: Калулу (32), Габбия (49), Рафаэл Леау (62), Мхитарян (67), Ачерби (68), Жиру (84), Ребич (88).

МАТНЛИ ТРАНСЛЯЦИЯ

ЯНГИЛАШ

УЧРАШУВ ЯКУНЛАНДИ!

90. Иккинчи бўлимга 5 дақиқа қўшиб берилди.

89. Лаутаро яна гол урди, аммо унинг хурсандчилиги узоққа чўзилмади: ҳакам ўйиндан ташқари ҳолат деб эълон қилди.

83. Лукаку гол урди, аммо рақиб ҳимоячисига нисбатан ўйин қоидаси бузилгани учун ҳисобга олинмади.

78. Жирудан навбатдаги ноаниқ уриниш, бу сафар жаримадан ижро этилди.

76. Жиру "Милан"нинг тезкор ҳужумини чиройли тарзда "кўмиб қўя қолди".

75. Диаснинг зарбаси ўзи ўйлагандек кучли чиқмади, Онана ҳам тўпни эгаллашда қийинчиликка дуч келмади.

71. Иккала жамоа таркибида ўзгаришлар рўй берди.

69. "Милан"да стандарт вазият юзага келди. Тео эса жарима зарбасини кўкка совурди.

67. Мхитарян ҳам ҳакамнинг ҳимматидан қуруқ қолмайдиган бўлди.

62. Леау захирадан майдонга тушгач, ўзини кўрсатишни бошлади: ҳакам томонидан огоҳлантирилди.

Учрашувга шунча томошабин ташриф буюрибди.

59. Онананинг совғасини голга айлантиришга Жирунинг виждони қийналди, шекилли, дарҳол тўпни қайтариб берди.

58. Жирунинг, умуман, "Милан"нинг зарбасини кута-кута кузларимиз карралаб кетганди.

56. ЗАРБА! Лаутаро ўнг қанотдан узатилган тўпни тўхтатмасдан дарвоза йўллади, Тэтэрушану бу вазиятда тэтэтэтентираб қолмади.

55. "Милан"да икки ўзгариш: Леау ва Салемакерс Ориги ва Калабрияни алмаштирди.

53. Чалханоглунинг ноаниқ паси рақиби худди шундай жавоб қайтарди.

49. "Милан" футболчилари Лаутарони майдонни ўз оёқлари билан тарк этишини исташмаяпти чоғи, тайм бошидан буён иккинчи бор уни оғриқдан қичқиришга мажбур этишди.

46. Иккинчи бўлим бошланди.

45. Биринчи бўлимга 1 дақиқа қўшиб берилди. Вақт ўтгач, жамоалар танаффусга йўл олишди.

41. "Милан"нинг ҳужумлари бошланди сўзини айтиб бўлмасимдан тугаб қолмоқда.

34. ГООООООООООООООЛЛЛЛЛЛЛ!!! Лаутаро бурчакдан узатилган тўпга бош билан зарба йўллади ва ҳамда "Милан" футболчиларининг тўпни майдон марказидан бошлашига сабабчи бўлди.


32. Калулу Лисандрони майдон марказида думалатди. Оқибатда ҳакам ўзи кийган либос рангидаги қоғозни "Милан" футболчисининг кўзига кўрсатиб қўйди.

29. Шкриньярнинг стандарт вазиятдан сўнг бош билан йўллаган зарбаси "Милан" дарвозабонининг "Хайрият" дейишига сабабчи бўлди.

25. Барелланинг кучли зарбасидан сўнг "Милан" ҳимоячисининг оёғи сейв амалга оширди.

24. "Интер" футболчисининг оддий вазиятдаги хато пасидан сўнг "Милан" мураббийи уни олқишлади ва миннатдорчилик билдирди.

21. Калабрия "Интер" дарвозаси томон регби усулида зарба йўллади.

14. Жеко рақиб жарима майдони йиқилди, аммо ҳакам пеналти белгиламади, кейинги эпизодда эса "Интер" футболчиси шеригини қандай йиқитишганини рақиб футболчиси мисолида кўрсатиб берди.

11. Лаутаро Эрнандесдан кечирим сўрайдиган ҳаракат амалга оширди.

10. Барелла Шкриньярнинг узатмасини бош билан дарвозага тўғрилаб қўя олмади, Тэтэрушану нигоҳи билан тўпни майдон ташқарисига чиқариб юборди.

8. Чалханоглу дарвозани эмас, унинг ортидаги баннернинг қоқ марказини нишонга олди.

6. Тэтэрушану Лаутаронинг зарбасидан сўнг ролик қилишга арзийдиган сейв амалга оширди.

2. "Интер" ярим ҳимоячилари марказдан юриш қилган Мессиасдан тўпни олиб қолиб, ўзини ортга кузатиб қўйишди.

1. Ҳакамнинг ҳуштаги учрашувни бошлади. "Интер" кўк-қора, "Милан" қизил-қора либосда ҳаракат қилади.

Жамоалар майдонга чиқиб келишди.


Айни дамда "Интер" 40 очко билан иккинчи, "Милан" эса 38 очко билан бешинчи ўринда бормоқда. Демак, меҳмонлар бугун ғалаба қозонса, азалий рақибларидан ўзиб кетиб, юқори поғоналардан бирига кўтарилиши мумкин.


Ассалому алайкум, қадрли футбол ишқибозлари! Италия футболчига шайдо томошабинларга салом деб қоламиз. Эҳтимол, хонадонингизда чироқ билан боғлиқ муаммо туфайли ўйинни кузатиш имкониятидан маҳрум бўлсангиз, сизни бевосита учрашув муҳитидан бенасиб қолдирмасликка ҳаракат қиламиз.

Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика