90+64-дақиқада урилган ғалаба голи... Буниси қандай содир бўлди?

Балки бу футбол тарихидаги энг узоқ давом этган учрашувдир. Чунки "Пенафиэль" ҳамда "Морейренсе" жамоалари иштирокидаги баҳс 3 соатдан ошиқроқ вақт давом этди. "25 апрель" номли стадионнинг ёритиш тизими яхши ишламагани сабабли учрашув бош ҳаками икки марта ўйинни тўхтатиб қўйди.

Учрашув биринчи марта тўхтатилганида мезбон клуб президенти сўзга чиқиб, бундай ҳолат клуб тарихида умуман бўлмаганини, барчасига туман электр тармоқлари сабаблигини айтди. 

"Мен ғалаба қозонишни (ўшанда "Пенафиэль" 1:0 ҳисобида олдинда бораётганди) истайман", - деб қўшимча қилди.

Ҳақиқат шундан иборатки, "Морейренсе" 90+55 ҳамда 90+64-дақиқадаги голлар эвазига ғалабани илиб кетди.