"8 сония" қоидаси биринчи марта КЖЧда қўлланди
20 июн 14:05
Янгиликлар
"8 сония" қоидаси биринчи марта КЖЧда қўлланди
Футбол инновациясидан илк бор "Ульсан" ва "Мамелоди Сандаунз" жамоалари ўртасидаги ўйинда фойдаланилди.
Клублар ўртасидаги Жаҳон чемпионатида франциялик ҳакам Клеман Тюрпен дарвозабоннинг тўпни биринчи марта ушлаб туриш вақтини чекловчи қоидадан фойдаланди.
"F" гуруҳи 1-туридан ўрин олган "Ульсан Хюндай" ҳамда "Мамелоди Сандаунз" (0:1) ўртасидаги учрашувнинг 83-дақиқасида номинал меҳмонлар дарвозабони Ронуэн Уильямс тўпни қўлида жуда узоқ ушлаб тургани учун ҳакам бурчак тўпини белгилади. Бу эпизод футбол тарихида илк бор кузатилди.
2025 йил март ойи бошида Футбол ассоциациялари халқаро кенгаши (IFAB) илк марта ушбу мавзуга тўхталиб, янги қоида таклиф қилганди. Унга кўра, агар дарвозабон тўпни қўлида 8 сониядан кўп ушлаб турса, рақиб жамоа фойдасига бурчак зарбас берилади. Сал кам 1 ойда кенгаш ушбу қоидани тасдиқлади.
Ўхшаш янгиликлар
championat.asia
Клублар ўртасидаги ЖЧ. "Реал Мадрид" "Ал Ҳилол" билан дуранг ўйнади. Вальверде 90+2 дақиқада пенальтини голга айлантира олмади
Клублар ўртасидаги ЖЧга қизиқиш жуда паст
Суперлига. "Андижон" ва "Қизилқум" "Бобур Арена"да муроса кўчасини танлади
Суперлига. Ғузорда кечган воҳа дербисида "Насаф" "Машъал"дан устун келди
Фикрлар