Сербия – Албания. Жанжал туфайли ўйин узилиб қолди ФОТОГАЛЕРЕЯ
15 окт 2014 11:47
Янгиликлар

Сербия – Албания. Жанжал туфайли ўйин узилиб қолди ФОТОГАЛЕРЕЯ

Евро-2016 саралаши доирасидаги Сербия ва Албания ўртасидаги ўйин бош ҳаками Мартин Аткинсон биринчи бўлим сўнггида (0:0) баҳсни тўхтатишга мажбур бўлди.

41-дақиқада Албания байроғи осилган бошқариладиган кичик самолёт (дрон) майдон узра уча бошлади. Серблар ҳимоячиси Стефан Митрович байроқни дрондан юлиб олишга уринди. Унинг ёнига албаниялик Мергим Маврай яқинлашди ва жанжал бошланди. Бу жанжалда футболчилар ва жамоа расмийлари иштирок этишди.

Сўнгра майдонга турли буюмлар отила бошланди, мухлислар майдонга тушиб кетишди. Баҳс тўхтатилди ва иккала жамоа трибуна остига кириб кетишди.

Баҳсдаги ушбу ҳолатни УЕФА кўриб чиқади.

фото: sports.ru

Ҳавола :

Манба : sports.ru

Янгиликларни Телеграмда ўқинг!

Рейтинг: