Беларусь чемпионати. "Энергетик-БГУ" "Шахтёр"га мағлуб бўлди

"Энергетик-БГУ" - "Шахтёр" 1:2

Голлар: Юдчиц 61 - Кендиш 6, Подстрелов 32.

ЯНГИЛАШ

УЧРАШУВ ЯКУНЛАНДИ!

90. Баҳснинг асосий вақтига 2 дақиқа қўшиб берилди.

84. "Шахтёр" футболчиси рақиб майдончаси олдида йиқилган эди, ҳакам уни симуляция ишлатганликда айблаб, сариқ карточка кўрсатди.

73. Ўзгариш: Яхшибоев майдонни тарк этди. Унинг ўрнига Кариока баҳсни давом эттиради.

68. "Энергетик" ҳисобни тенглаштириш учун бир неча сантиметр етишмади. Мезбон жамоа футболчисининг зарбаси дарвоза устуни ёнгинасидан ўтиб кетди.

65. Бакичнинг узоқ масофадан берган айланма зарбаси "Шахтёр" посбонини шошириб қўйди, аммо тўп бироз юқоридан ўтиб кетди.

61. ГОООЛ! "Энергетик" сардори Юдчиц пенальтидан гол уриб, ҳисобни қисқартирди.

60. ПЕНАЛЬТИ! Бакич "Энергетик" учун пенальти ишлаб олди.

56. ЗАРБААА! Бакичнинг зарбасидан сўнг тўп дарвоза тўсинига тегиб, қайтди.

54. Иминов ижро этган стандартдан сўнг "Энергетик" бурчак зарбаси ишлаб олди. Бурчак зарбасини Умаров ўйинга киритди, аммо "Шахтёр" футболчилари ҳимояда ишончли ҳаракат қилишди.

46. Иккинчи бўлим бошланди.

ТАНАФФУС

45+. "Энергетик" яна бир қулай стандартга эга бўлди. Умаров дарвозани нишонга олишга уриниб кўрди, бироқ жонли девор ости орқали берилган зарба дарвоза ёнидан ўтиб кетди.

41. Бакич ҳисобни қисқартиришга жуда яқин келганди, аммо Гуторнинг суперсейвидан сўнг тўп майдонни тарк этди.

38. Умаровнинг жарима майдончасига ташлаган тўпидан сўнг "Энергетик" футболчиси рақиб дарвозасига кучсиз зарба берди ва меҳмон жамоа посбони тўпни осонлик билан эгаллаб олди.

37. "Энергетик" жарима зарбаси ишлаб олди. Тўп қаршисида Шаҳбоз Умаров.

32. ГОООЛ! 0:2! Яхшибоев тўпни бурчакдан жарима майдончасига пастлатиб узатди ва Кендиш тўпни Подстреловга оширди. Подстрелов эса узоқ бурчакни нишонга олди ва ҳисобни 0:2га етказди.

28. Кабананга ҳудди Жасур Яхшибоев каби зарба берди ва унинг натижаси ҳам ўхшаш бўлди.

26. Яхшибоев яқин масофадан "Энергетик" дарвозасига зарба берди, аммо тўп ноқулай келгани туфайли тўп дарвоза ёнидан ўтиб кетди.

22. "Шахтёр" қанотдан ҳужумга ўтди. Жасур Яхшибоев жамоадошидан узатмани кутганди, аммо пас унинг йўлига эмас, ортига берилди ва ҳужум йўққа чиқди.

19. Умаров ўнг қанотдан жарима майдончасига кирди ва йиқилди, аммо ҳакам бу вазият фол эмаслигини кўрсатиб, баҳсни давом эттирди.

16. "Шахтёр" иккинчи голни уришга яқин келди, аммо қанотдан узатилган тўпни дарвозага буриб қўядиган футболчи топилмади.

15. Мезбонлар қанотлар орқали ҳужум уюштиришга ҳаракат қилишмоқда, аммо рақибнинг тажрибали ҳимоячилари бунга имкон беришмаяпти.

9. Гол ўтказиб юборган "Энергетик" тўп назоратини қўлга олди ва ҳисобни тенглаштириш учун кўпчилик бўлиб ҳужумга ўтмоқда.

6. ГОООЛ! Ҳисоб очилди, Античдан тўпни қабул қилган Кендиш жарима майдони ичидан зарба берди ва ўз номига гол ёздириб қўйди.

5. Жасур Яхшибоев бурчакдан узатган тўп ҳеч кимга тегмай, қарама-қарши томонга ўтиб кетди.

1. Учрашув бошланди.

- "Энергетик-БГУ"да Умаров ва Иминов, "Шахтёр"да эса Яхшибоев ўйинни асосий таркибда бошлашади.

"Энергетик-БГУ": Макавчик, Мавату, Юдчиц, Сокол, Свирепа, Совпель, Умаров, Иминов, Бакич, Шкурдюк, Мусаханян.

"Шахтёр": Гутор, Антич, Селява, Хадаркевч, Бегунов, Баланович, Кендиш, Подстрелов, Иванович, Яхшибоев, Кабананга