Ушбу ўйинда меҳмонлар сафида ярим ҳимоячи Азиз Ибрагимов учта гол уриб хет-трикка эришди. Шундай қилиб, 2008 йилдан буён илк бор "Бухоро" футболчиси бир ўйинда учта гол урди. Сўнгги бор бундай натижага 2008 йил 5 июль санасида Лочин Солиев эришганди.
Таъкидлаш лозимки, Азиз Ибрагимов бу мавсумда хет-трик қайд этган тўртинчи футболчи бўлди. Олександр Пишур, Игорь Таран ва Зафар Полвоновдан фарқли равишда Ибрагимов бундай натижага сафарда эришди.
