UZ

Сўнгги янгиликлар

11:23БААнинг Ўзбекистонга қарши тахминий таркиби  9 11:00“Милан“ юлдузини “Ливерпул“га битта шарт билан сотишга тайёр  0 10:48Аброр Пирриев допинг текшируви ўтказиш учун допинг офицерларини жамоамиз истиқомат қилаётган меҳмонхонага ташрифи борасидаги саволга жавоб берди  13 10:36“Ал Ҳилол“ ТОП форвардга йига 40 миллион евро таклиф қилди  0 10:11Халқаро спорт тадқиқотлари маркази (CIES) энг қиммат футболчилар рейтингини янгилади  6 09:44Ўтган мавсум А Серияда 11 та гол урган ҳужумчи фаолиятини “Рома“да давом эттириши мумкин  2 09:17УEФА Чемпионлар Лигасининг янги мавсумида “Барселона“ни очколардан маҳрум қилиши мумкин  23 08:50Goal «Олтин тўп»ни ютишга даъвогарлар рейтингини янгилади. ПСЖнинг уч нафар футболчиси ТОП-10 га илк бор киришди  15 08:23“Реал Мадрид“ яна бир трансфер бўйича ишни якунлади  15 07:56Бугун Ўзбекистон ОТЖ Францияга қарши баҳс олиб боради  9 07:23БАА Спорт вазирлиги "Ҳаммамиз оқлар тарафидамиз" кампаниясини ўтказмоқда: Спорт федерацияларига бепул чипталар тарқатиляпти  34 00:44Сон Хён Мин "Тоттенхэм"ни тарк этиши ва Саудия клубига ўтиши мумкин?!  1 00:19Лука Модрич янги клуби билан қачон шартнома имзолайди?  1 23:44"Тоттенхэм" янги уй либосини тақдим этди  2 22:42Инзаги "Ал Ҳилол"да қанча маош олади?  5

Мутолаа учун. 1994 йил Роберто Карлос "Спартак"га ўтиши мумкин эди. Аммо Романцев унга 500 минг доллар тўлашни истамаган Янгиликлар

Мутолаа учун. 1994 йил Роберто Карлос "Спартак"га ўтиши мумкин эди. Аммо Романцев унга 500 минг доллар тўлашни истамаган

1994 йилнинг июнь ойида "Палмейрас" Россияга гастроль сафари уюштирди.

Йўқ, Майкл Жексон ҳам эмас, "Red Hot Chili Peppers" ҳам эмас, айнан Сан-Паулу клуби. Улар Москвада бўлиб ўтган Лев Яшин хотира турнирида иштирок этишди. Кейин эса Камишин шаҳри томон йўл олишди ва у ерда маҳаллий "Текстильщик" клубини 3:0 ҳисобида мағлубиятга учратишди. Бразилияликлар ҳар бир ўйинда жамоа учун 25 минг доллардан пул олишган. Шунинг учун ҳам, Россияга сафар уюштириш уларга фақатгина завқ бағишлаган.

Москвадаги турнир 15 июнь куни бўлган. Баҳслар бир таймдан иборат бўлгани учун мусобақа бир куннинг ўзида якунланган. "Палмейрас" ғолиб бўлди: бразилияликлар "Динамо" (2:1) ва "Спартак" (2:0) устидан ғалабага эришдилар. Петров боғидаги стадион трибуналарида тахминан 15 минг томошабин йиғилганди (телевидение орқали реклама беришмаган, интернет эса ҳали йўқ эди).

"Палмейрас" икки футболчисининг келиши оммани айниқса қувонтирганди: Бразилия "Олтин тўп"ининг икки карра ғолиби Сезар Сампайо (у ЖЧ-1994да иштирок этмаган, аммо Франциядаги мундиалида 3та гол урган) ва 21 ёшли Роберто Карлос.




Турнирни фақатгина Москва футболи ишқибозлари кузатмаган: ўз жамоаси таркибини кучайтирмоқчи бўлган мураббийлар ҳам ўша ерда эди. Ҳа, Роберто Карлос Россияда қолиши мумкин эди деб тахмин қилгандирсиз?


Александр Тарханов ёдга олади:

"1994 йили менга унча катта бўлмаган пул эвазига Роберто Карлосни таклиф қилишди. Бир дўстим "Палмейрас"ни Россия бўйлаб айлантириш учун тур ташкил қилди. Бразилияликлар билан ўйнашни истаганлар уларга 25 минг доллар тўлаб бериши лозим эди. Аджарияда президентлик учун сайлов бўлди — уларни ҳаттоки, ўша ерга ҳам олиб боришди. Мана аэропортда эрталабдан бразилияликларни кутиб оляпмиз, улар Колумбиядан учиб келишмоқда. Ҳолдан тойган, қорни оч — биз буфетни очдик, барча бутерброд ва консерваларни олдик, чой дамладик… Кулгили-а?

Кечаси "Палмейрас" "Спартак" ва "Динамо"га қарши бир таймдан ўйин ўтказади. Жисмоний тайёргарлик бўйича бразилиялик мураббий деди: жамоа уйқисираб юрибди. Автобус керак эмас, стадионгача пиёда боришсин. Улар бир-бирига урилиб, қоқилиб борардилар. Буни кўрган Толстих: "Қанақа жамоани бошлаб келяпсизлар?" Мен унга жавобан: ҳозир, Коля, ўзинг майдонда ҳаммасини кўрасан. Бразилияликлар икки баҳсда ҳам шундай ажойиб ўйин кўрсатишдики, мухлислар тик турган ҳолда уларни кузатиб қўйишди. "Динамо" уларга битта гол урди, аммо кейин майдон марказигача ҳам ўтолмади. Тарас Безубяк ҳакамлик қилаётганди ва "Динамо" фойдасига ҳуштак чалди. Буни кўриб турган 25 минг мухлис унга қараб бақира бошлашди — Ҳуштак чалма!


Рамиз Мамедов Роберто Карлосга қарши

Роберто дарвоза тўққизлигига тўпни жойлаб қўйди ва бутун майдондан ўтказиб голли узатма етказиб берди. "Палмейрас" президенти дейди: "Мана бу бизнинг юлдуз, истасангиз эртагаёқ олиб кетинг. 500 минг доллар. Амарални ҳам сотиб олишингиз мумкин. У ҳам ажойиб футболчи..." Романцев узоқ ўйлади. "Спартак"нинг бюджетида 3 миллион бор эди. Қандай қилиб футболчини 500 мингга олиши мумкин? Бу ишга қўл урмади. Куз. Роберто Карлос "Интер" сафида тўп тепа бошлади.

Тарханов бироз адашди: Роберто Карлос 1995 йилнинг кузида "Интер"га кўчиб ўтди. Милан клуби ўйинчи учун "Палмейрас"га 3,5 миллион евро тўлаб берганди. Москва ва Камишинда ўртоқлик учрашувларидан уч йил ўтиб,  ҳимоячи Франция билан баҳсда мана бу голни урганди:



Рейтинг: +10   

Фикрлар

championat.asia
< сўнгги янгиликларни кўриш
Яндекс.Метрика