1990 йилги жаҳон чемпионати финалида жамоасига ғалаба келтирган гол муаллифи вафот этди
20 фев 20:02
Янгиликлар
1990 йилги жаҳон чемпионати финалида жамоасига ғалаба келтирган гол муаллифи вафот этди
Германиялик собиқ футболчи Андреас Бреме 63 ёшида вафот этди.
Қайд этилишича, Бреме душанбадан сешанбага ўтар кечаси Мюнхенда юрак уришининг тўхтатиши натижасида вафот этган. У касалхонага ётқизилган, аммо ҳаётини сақлаб қолишнинг иложи бўлмаган.
Эслатиб ўтамиз, Бреме ЖЧ-1990 финалида Аргентина терма жамоасига қарши ўйинда (1:0) Германия терма жамоасига ғалаба келтирган голга муаллифлик қилганди.
Бреме фаолияти давомида “Бавария”, “Кайзерслаутерн”, “Интер”, “Сарагоса” каби клубларда тўп сурган. Немис футболчиси "Кайзерслаутерн" сафида энг кўп ўйин ўтказган - 319. Бу ўйинларда Бреме 53 гол уриб, 19 голга ассистентлик қилган.
Бреме Германия терма жамоасидаги дебютини 1984 йил 15 февралда ўтказди. Германия терма жамоаси таркибида у 86 та ўйин ўтказиб, 8 та гол урган.
Фикрлар
Argentina o'yin davomida darvozaga bir martagina zarba bergan xolos uyam bo'sa 39-minutda 20 metrlardan oshiqroq masofadan Maradonani chap oyoqda bergan jarimadan bergan zarbasi uyam darvoza to'sini yuqorisidan o'tib ketgan
To'ri Argentina o'yinni kamchilik bo'lib tugatgan lekin 64-minutgacha 11 kishi o'ynagan...