Тачмурад Агамуродов: "Бухоро"дан нима учун кетганимни билмайман"

Ахборот ҳамкоримиз "Футбол Экспресс" газетаси мухбири Тачмурад Агамуродовдан интервью олди. Унинг асосий қисмини сизларга тақдим этамиз.

- Тачмурад Шамакович, Туркманистонга қачон жўнаб кетгандингиз?
- Мавсум якунлангач ватанимга қайтиб кетгандим. Ҳозир Ашхободдаги уйимдаман.

- "Бухоро"дан кетишингиз сабабини ўзингиздан эшитсак. Нима учун истеъфога чиқишингизга тўғри келди?
- Ишдан кетишим сабаби тўғрисида шундай хулосага келдимки, клубнинг спорт директори Геннадий Кочнев ўғлини мунтазам равишда майдонга туширишимни хоҳлади. Ваҳоланки, айни пайтда унинг ўғли асосий таркибга киришга тортмасди. Буни билиб туриб уни майдонга тушишини истади. Истеъфога чиқишининг асосий сабаби шунда деб билдим. Жамо ёмон натижа қайд этгани йўқ. 6-ўрин "Бухоро" учун ёмон натижа эмас деб ўйламайман. Тўғриси "Бухоро"дан нима учун кетганимни менга ҳеч ким тушунтириб бергани йўқ. Менга ҳеч ким хайр, хизматингиз учун раҳмат деб ҳам қўйгани йўқ. Ёки сизнинг натижангиздан қониқмадик, шу сабаб сиз билан хайрлашаяпмиз деб айтишмади. Албатта, шуниси менга алам қилди.

Бобурбек Турсунов суҳбатлашди.