Зоҳид Абдуллаев: "Фаолиятимни тугатишим мумкин..."
19 янв 2017 08:41
Янгиликлар

Зоҳид Абдуллаев: "Фаолиятимни тугатишим мумкин..."

Кеча "Металлург" ва "Нефтчи" ўртасидаги ўртоқлик учрашувидан сўнг бекободликлар ҳужумчиси Зоҳид Абдуллаевнинг фикрлари билан қизиқдик.

"Нефтчи" билан баҳсда Абдуллаев иккита тўп киритди.

"Йиғин доирасидаги иккинчи ўйинимизни ўтказдик. "Нефтчи" билан баҳс қийин кечди. Мураббийлар футболчиларнинг жисмоний ҳолатларини синаб кўришмоқда. Бундан ташқари янги келган ўйинчилар ҳам синалмоқда.

Тўғриси иккита гол уришимни кутмагандим. Бунда албатта жамоадошларимнинг хиссаси катта бўлди.

Ҳозирча клуб билан шартномани узайтирганимча йўқ. Янги мавсумни 80 фоиз "Металлург"да бошлайман. Бошқа клубга ўтмайманку, фаолиятимни тугатишим мумкин (кулади)", - дейди Зоҳид Абдуллаев.

Маълумот учун, 1984 йилда туғилган ҳужумчи 2016 йилги мавсумда олий лигада 18та гол билан тўпурарлар пойгасида иккинчи ўринни эгаллади.