“Милан” ҳужумчиси “Лечче”га қарши (2:0) А Серия ўйинида захирадан майдонга тушиши учун тайёргарлик кўрганида, ўзини ноқулай ҳис қилган. Шундан сўнг, Ибраҳимович клуб массажчиси ёрдамида оқсоқланиб кийим алмаштириш хонасига борган. Ҳозирча 41 ёшли ҳужумчига аниқ ташхис қўйилмади.
Бироқ, "Pazzi di Fanta" хабарига кўра, Златан болдиридаги жароҳат туфайли мавсум охиригача “Милан”да ўйнамаслиги эҳтимоли бор. Жорий мавсумда Златан Ибраҳимович “Милан” сафида А Серияда бор йўғи 4 та ўйинда майдонга тушди ва 1 та гол урди.
