Зидан Дибалани ақлли эканини таъкидлади

- Мората Италияда ўз ўйинини анча кучайтирди. "Ювентус" Моратани қўйиб юбормоқчи эмас, туринликлар камида яна бир мавсум унинг хизматларидан фойдаланишмоқчи. Лекин воқеалар ривожи қандай давом этишини олдиндан айтиш қийин. Ҳаммаси ёзда ҳал бўлади.
Погба хусусида нима дейиш мумкин, Поль жуда кучли футболчи. "Реал"га мос тушадими? Нафақат "Реал", Погба исталган жамоада ўйнаши мумкин. "Реал" учун барча кучли футболчилар қизиқ ва бу нормал ҳолат. Лекин шуни унутмаслик керакки, Погба "Ювентус" аъзоси. Биз бунга ҳурмат билан муносабатда бўлишимиз зарур. Иско бизнинг футболчи. У ҳеч қаерга кетмаяпти. Мавсум эндигина тугади. Биз ҳали трансферлар борасида гаплашганимиз йўқ. Пауло Дибала "Юве" авваллари мен ва Пирло ўйнаган рақамни танлади. Дибала бу рақамда ўзини йўқотиб қўйгани йўқ ва ўз ишини қойиллатмоқда. Дибала жуда ақлли. Мен уни шахсан танимайман,  лекин аввал ҳам уни ақлли деб адашмаганман. Чунки унинг ақли жойида. Бу жуда муҳим жиҳат.