Зидан Азарнинг жароҳатлари ҳақида гапирди
06 фев 2021 07:27
Янгиликлар
![](https://championat.asia/upload/storage/618591_original.jpg)
![](/upload/storage/618591_220.jpg)
Зидан Азарнинг жароҳатлари ҳақида гапирди
"Реал" бош мураббийи Зинедин Зидан Эден Азарнинг жароҳатлари сабаб юзага келган ҳолат ҳақида гапирди.
"Биз Эденни муаммолар ва жароҳатларсиз кўришни истаймиз, аммо бу борада унга омад кулиб боқмаяпти. У қийин вазиятда, чунки Азар ўзини кўрсатиб, "Реал" сафида яхши ўйнаб кетишни истайди.
Қачонлардир унинг яхши, жароҳатларсиз ўйнаётганини кўрамиз. Умид қиламанки, у ҳозирги жароҳатидан фориғ бўлганидан сўнг ўша кунлар келади. Эденнинг омади келмади, унга оғир бўлди. Аммо позитив кайфиятни сақлаб қолиш лозим.
Эденнинг нималарга қодирлигини, қандай футболчи эканлигини биламиз. У бизга аниқ керак бўлади. Ҳозирги вазиятдан Азарнинг ўзи ҳам норози ва энг яхши формага кириб олиш учун қўлдан келган барча ишни қилмоқда.
Бундай ҳолатлар футболнинг бир қисми. У буни қабул қилиши лозим. Ишонаманки, келажакда барчаси ўзгаради", - деди Зидан.
Ўхшаш янгиликлар
![AMP Logo](https://championat.asia/image/logo-amp.png)
Фикрлар