Жозе Моуриньо: "Мен Френк Лемпардга Премьер лигада қолишини маслаҳат бергандим"
18 июл 2013 11:06
Янгиликлар

Жозе Моуриньо: "Мен Френк Лемпардга Премьер лигада қолишини маслаҳат бергандим"

"Челси" бош мураббийи Жозе Моуриньонинг таъкидлашича ҳали "Стемфорд Бриж"га келишни режалаштирмаган пайтидаёқ Френк Лемпардга Англияда ўйнашда давом этишини тавсия қилган экан.

Ўтган мавсумда кўп вақт давомида "кўклар"нинг фахрийсини келажаги мавҳум бўлиб турди. Энг яхши вариантлардан бири эса АҚШга кетиш эди, лекин 35 ёшли ярим ҳимоячи "Челси"да қоладиган бўлди ва шартномасини бир йилга узайтирди. У пайтда "Реал"нинг мураббийи бўлиб турган Моуриньо унга қарор қабулишида ёрдам берган экан.

"У пайтда мен ҳали "Челси" билан алоқада эмас эдим. Биз Френк билан дўстлардек суҳбатлашдик” - дейди Моуриньо. Мен унга: "Америкага боришинг керак эмас. Сен ҳар ҳафта юқори даражада ўйнай оладиган футболчисан. Агар сен АҚШга кетадиган бўлсанг футболдан роҳатлана ололмайсан, лекин энди эса сенда яна бир йил футболдан роҳатланиш имконияти бор - дедим".

“Менинг фикрларимдан кейин Френк "Челси"да қоладиган бўлди. Агарда "Челси" унга рад жавобини берса, бундай катта турнирнинг бир бўлаги бўлиш учун Премьер лиганинг бошқа жамоасига ўтиши керак эди. Шундай бўлганида Лемпард менга Премьер лиганинг ҳеч қайси бошқа жамоасида ўйнашни хоҳламайман дея жавоб берганди".

eurosport.ru сайтидан Жавлонбек Юсупов таржима қилди

Ҳавола :

Манба : championat.asia

Янгиликларни Телеграмда ўқинг!

Рейтинг: