Жиямуродов, Исоқжонов, Гоголь "Олмалиқ"да
14 июл 2014 16:01
Янгиликлар

Жиямуродов, Исоқжонов, Гоголь "Олмалиқ"да

Биринчи даврани 5-ўринда якунлаган "Олмалиқ" давралар оралиғида айрим чизиқларга ўйинчи жалб этиш орқали таркибни кучайтирмоқчи.

Олинган маълумотларга кўра, Игорь Шквирин биринчи лигада сермаҳсуллик кўрсатиб келаётган Исломбек Исоқжоновни кўрикка таклиф этган. Биринчи даврани "Хотира-79" таркибида ўтказган 21 ёшли футболчи мавсумнинг иккинчи ярмидан фаолиятини олий лигада давом эттириши мумкин.

Ундан ташқари "Олмалиқ" таркибига россиялик ҳимоячи Евгений Гоголь ҳам келиб қўшилган. Ушбу футболчи учун бу жамоа бегона эмас. Чунки яқиндагина "Локомотив" билан хайрлашган футболчи илгари ҳам айнан Игорь Шквирин жамоасида ўйнаганди.

Шунингдек "Олмалиқ" йиғинида иштирок этаётган янги футболчилар ҳақида гап борганда, Жаҳонгир Жиямуродовни ҳам айтиб ўтиш лозим. "Нефтчи" билан орани очиқ қилган футболчи иккинчи даврадан олмалиқликлар шарафини ҳимоя қилишга яқин турибди.

Ҳавола :

Манба : championat.asia

Янгиликларни Телеграмда ўқинг!

Рейтинг: