Жеррард: "Ливерпуль" ЧЛ гуруҳ босқичида етарли даражада кучли ўйнай олмади"

Гуруҳ натижаларига кўра, "Базель" Чемпионлар лигаси плей-офф босқичига чиқди, "Ливерпуль" эса ўз иштирокини Европа лигасида давом эттиради.

"Мени голимдан кейин ҳам 10 киши бўлиб ўйнаш қийинлигини билгандим. Аммо барибир умид бор эди. Мураббий айтганидек, биз биринчи бўлимни яхши ўтказмадик.

Четлатишда нима бўлганини кўрмадим, аммо жазо ноҳақ бўлганини эшитдим. Бу вазият жамоамизни жуда қийин аҳволга солиб қўйди, тўлиқ таркибда ўйнаганимизда учрашувнинг сўнгги дақиқаларида "Базел"га ҳақиқий штурм уйуштирар эдик.

Биз яхши натижага лойиқ эдик дея олмайман. Айнан шу ўйинимиз туфайли чиқиб кетдик. "Базел"га қарши меҳмондаги учрашувда яхши ҳаракат қила олмадик, "Лудогорец" билан баҳсда ғалабани қўлдан бой бердик.

Ҳозир асосий ҳужумчимиз Дэниэл Старрижнинг сафга қайтишини кутяпмиз. Аммо бугун майдонга чиққан футболчилар ҳам танқидга лойиқ эмас. Улар ғалаба учун қўлидан келган барчасини амалга оширишди" - дейди Жеррард.