ЖЧ-2014 олдидан. Жеррард ҳаммасини мундиалдан кейин ҳал қилади
25 май 2014 19:06
Янгиликлар

ЖЧ-2014 олдидан. Жеррард ҳаммасини мундиалдан кейин ҳал қилади

Англия терма жамоаси сардори Стивен Жеррард ҳозир бор эътиборини яқинлашиб келаётган жаҳон чемпионатига қаратган.

Маълумки, инглизлар гуруҳда Италия, Уругвай ва Коста-Рикага қарши баҳс олиб боришади.

Келаси ҳафта 34 ёшни қарши оладиган ярим ҳимоячининг айтишича, бу унинг фаолиятидаги охирги жаҳон чемпионати бўлади: “Ҳозир бор эътиборим терма жамоанинг мундиалдаги иштирокига қаратилган. Жаҳон чемпионатидан сўнг терма жамоадан кетаманми? Тўғриси, бу ҳақда бир гап айта олмайман. Олдин жаҳон чемпионатида муваффақиятли иштирок этайлик, кейин бу мавзуга алоҳида тўхталамиз. Яқинда 34га тўламан, шунга қарамай ўзимни жуда яхши ҳис қиляпман”.

Стивен Жеррард яна олтита ўйинда майдонга тушса, терма жамоада ўйин ўтказиш бўйича Девид Бекхэмнинг рекордини янгилашини тез-тез эслатишмоқда. Бекхэм ўз вақтида Англия сафида 115та ўйин ўтказган. Жеррард бу рекордни янгилаш учун қўлдан келганча ҳаракат қилишини маълум қилди.

Ҳавола :

Манба : championat.asia

Янгиликларни Телеграмда ўқинг!

Рейтинг: