ЖЧ-2014. "H" гуруҳи. Бельгия ва Жазоир кейинги босқичда ёхуд Россия сўнгги имкониятдан ҳам фойдалана олмади

Мундиалнинг "H" гуруҳи пешқадами Бельгия термаси аъзолари иккинчи турдан сўнг кейинги босқич масаласини муддатидан аввал ҳал этиб қўйишган эди. Қолган учта жамоа Россия, Жазоир ва Жанубий Кореяларда сўнгги тур олдидан имкониятлар мавжуд эди.



Бельгия учинчи турда Жанубий Корея билан баҳслашди. Асосан иккинчи таркиб футболчилари билан ҳаракат қилган Бельгия осиё вакилларини кичик ҳисобда мағлуб этишни уддасидан чиқа олди.  Вертонгеннинг ягона голи бельгияликларга гуруҳда юз фоизлик натижани қайд этишларига замин яратиб берди.



Гуруҳдаги иккин беллашув том маънода "H" гуруҳи финал баҳсига қиёс қилинди. Сабаби, Россия агарда Жазоирни мағлуб этадиган бўлса, унда Фабио Капелло жамоаси кейинги босқич йўлланмасини нақд қиларди. Жазоирни эса мағлубиятдан бошқа натижа қаноатлантирарди. Учрашув дебютидаёқ руслар ҳужумчиси Кокорин ҳисобни очишга эришди. Лекин иккинчи бўлимда Жазоир терма жамоаси аъзолари жарима тўпидан сўнг Слиманининг аниқ ҳаракати эвазига мувозанатни тиклашга эришишди. Ушбу ҳисоб ўйин сўнггигача ўзгармади ва Жазоир Бельгия жамоаси билан биргаликда кейинги босқичга йўл олишди. Жанубий Корея ҳамда Россия терма жамоалари аъзолари эса буёғига ойнаи-жаҳон қаршиси олдида мундиал ўйинларини томоша қилишади.



ЖЧ-2014. "H" гуруҳи, 3-тур.

Жанубий Корея - Бельгия 0:1
27 июнь. 01:00

Бош ҳакам: Бенжамин Уильямс (Австралия)

Ёрдамчи ҳакамлар: Мэтью Крим (Австралия), Хоқон Аназ (Австралия)

Захира ҳаками: Виктор Каррилло (Перу).

Гол: Вертонген (77)

Жанубий Корея: Чон Сон Рен, Ли Юн, Хон Чжон Хо, Ким Ен Гвон, Юн Сук Ен, Ан Гук Ен (Ли Кин Хо, 46), Ки Сон Ен, Ли Чун Юн, Гу Чжа Чхоль, Сон Хин Мин (Ди Жонг Вонг, 74), Ким Шин Ук (Ким Бо-Кйунг, 66).

Бельгия: Куртуа, Вертонген, Феллайни, Миральяс (Азар, 88), Мертенс (Ориги, 60), ван Буйтен, Дефур, Ламбартс, Дембеле, Янузай (Чадли, 60), Ванден Борре.

Огоҳлантириш: Хонг (35), Дембеле (50)

Четлатиш: Дефур (44).

Жазоир - Россия  1:1
27 июнь. 01:00
Бош ҳакам: Жунайт Чақир (Туркия)
Ёрдамчи ҳакамлар: Баҳаттин Дуран (Туркия), Тариқ Онгун (Туркия)
Захира ҳаками: Жоел Агуилар (Сальвадор)

Гол: Кокорин, 6 - 0:1. Слимани, 59 - 1:1.

Жазоир: Мболи, Белкалем, Аллиш, Месба, Фегули, Брахими (Йебда, 71), Меджани, Слимани (Судани, 90),  Бенталеб, Жабоу (Гиляс, 77), Манди.

Россия: Акинфеев, Козлов, Игнашевич, Глушаков (Денисов, 46), Кокорин, Кержаков (Канунников, 81), Березуцкий, Шатов (Дзагоев, 67), Самедов, Файзулин, Комбаров.

Огоҳлантиришлар: Месба 39, Комбаров 56, Козлов 57, Гиляс 86, Кадамуро 90.

Якуний жадвал

#	Жамоа	Ў	Ю	Д	М	УГ - ЎГ	Т-Н	О
1	Бельгия	3	3	0	0	4 - 1	3	9
2	Жазоир	3	1	1	1	6 - 5	1	4
3	Россия	3	0	2	1	2 - 3	-1	2
4	Жанубий Корея	3	0	1	2	3 - 6	-3	1