Жанубий Корея. 24-тур. "Сеонгнам" ғалаба қозонди

Ҳамюртимиз Сервер Жепаров тўп тепаётган "Сеонгнам Илва Чунма" клуби ўз уйида "Улсан Хоранг-И" клубини қабул қилиб 3:1 ҳисобида ғалабага эришди. Ўйинда Жепаров 72-дақиқага қадар ҳаракат қилди. "Сеонгнам" ушбу ғалабадан сўнг очколари сонини 34тага етказиб олди. Жамоа айни пайтда 8-поғонада бормоқда. Яна икки турдан сўнг чемпионатда дастлабки босқич якунланади. Кучли еттиликка кирган клублар чемпионлик учун курашни давом эттиришса, қолган етти клуб лигада қолиш учун курашишади. "Сеонгнам" 7-ўриндаги клубдан 3 очкога ортда қолмоқда. Олдинда турган икки ўйинда Жепаровга ва унинг жамоасига омад тилаймиз. 

"Сеонгнам Илва Чунма" - "Улсан Хоранг-И" 3:1
Голлар: Сеонг Жун Ким 26, Донг Суб Ким 65, И.Вукович 76 - Рафинья 41.