Зейтуллаев: "Ювентус"нинг қизиқиши - бу Шомуродовнинг меҳнати"
11 янв 2021 17:26
Янгиликлар
![](https://championat.asia/upload/storage/613808_original.jpg)
![](/upload/storage/613808_220.jpg)
Зейтуллаев: "Ювентус"нинг қизиқиши - бу Шомуродовнинг меҳнати"
"Жуда хурсанд бўлдим [бу хабардан], сабаби бу Ўзбекистон учун муҳимдир. Бизнинг футболчиларга жаҳон даражасидаги топ-клублар қизиқиш билдираётгани борасида хабарлар ҳар куни чиқавермайди.
Ватандошим ва умуман чет эллик футболчи учун Италия чемпионатига келиш ва ўрнашиб олиш қанчалик қийинлигини тасаввур қиламан.
Элдорга ҳар қандай қийинчиликларга қарамасдан ҳар машғулот ва ҳар ўйинда ўзини кўрсатишини тилайман. Худога шукур, у ҳозир бунинг уддасидан чиқмоқда - у сўнгги ўйинларда жуда яхши кўринмоқда: яхши жисмоний ҳолат ва психологик форма йиғиб олди, унга яхши муносабатда бўлишмоқда.
Мен эксперт ҳам, инсайдер ҳам эмасман, аммо ўзимнинг тажрибамдан шуни айтишим мумкинки, ҳаётда ҳамма нарса бўлиши мумкин. "Ювентус" ҳақидаги хабар чиқдими, демак қандайдир қизиқиш бўлган, сабаби жамоа Моратага ўринбосар изламоқда.
Элдор - жуда истеъдодли футболчи, у ҳозирги даражани кўрсатишда давом этса, унда барча имкониятлар бўлади.
Ҳозир "Женоа"га ўрнашиб олиш ва яхши футболни кўрсатиш муҳим - худо хоҳласа "Лацио", "Милан", "Интер" ёки "Ювентус" варианлари пайдо бўлади.
Менинг шахсий фикрим - грандлар қизиқаётгани аввало Элдорнинг хизматлари. Сенда энг яхши агентлар бўлиши мумкин, аммо сен футбол ўйнашни билмасанг, бу сенга ёрдам бермайди - агентлар ўрнингга майдонга тушишмайди", - дейди Зейтуллаев.
Ўхшаш янгиликлар
![AMP Logo](https://championat.asia/image/logo-amp.png)
Фикрлар