“Zenit” Isroil chempionatining eng yaxshi to'purariga ko'z olaytirdi

Aslanov Jasurbek

28 fev 2017, 01:55

Rossiyaning “Zenit” klubi Islandiya terma jamoasi hamda “Makkabi” klubi hujumchisi Vidar Kyartanssonga qiziqish bildiryapti. Bu haqda Fotbolti internet nashri xabar bermoqda.

26 yoshli futbolchiga Sankt-Peterburg jamoasidan tashqari Angliyaning “Vest Bromvich Albion” klubi ham ko'z tikkan.

Kyartansson joriy mavsumda Isroil chempionatining 22ta uchrashuvida maydonga tushib, 15ta gol kiritishga muvaffaq bo'ldi. Vidar Yevropa Ligasining guruh uchrashuvida aynan “Zenit” darvozasini ishg'ol qilgandi.