Забиҳилло Ўринбоев: "Кўрсатган ўйинларимдан 80 фоиз кўнглим тўлди"

"Жаҳон чемпионати жуда ҳам муросасиз ўтди. Бизнинг гуруҳда ҳар бир ўйин шиддатли ўтиб сўнгги тургача кейинги босқичга чиққан жамоалар номи маълум бўлмади. Охирги турда ҳар бир жамоада имконият бор эди ва кескинлик жуда ҳам ошиб кетди. Ҳар бир ўйин ажойиб ўтди. Натижа ҳам, мусобақада иштирок ҳам яхши бўлди"

"Гондурас билан ўйинда мағлубият кўпроқ босим туфайли бўлди. Биринчи ўйинга мослаша олмадик. Об-ҳаво ҳамма учун бир хил бўлса ҳам мослашиш жуда ҳам қийин кечди. Сенегал билан ўйинда эса кетма-кет ўйинлардаги толиқиш мағлубият сабаб бўлди деб ўйлайман. Беммалол ютишимиз ҳам мумкин эди. Ҳар бир ўйинни тахлил қилиб чиқдик"

"Жаҳон чемпионатидаги кўрсатган ўйинларимдан 80 фоиз кўнглим тўлди. Ундан ҳам кучлироқ ўйин кўрсатишимиз мумкин эди. Тўпурар бўлмоқчи эдим. Ўзимда ҳам хатолар бўлди ва вазиятлардан фойдалана олмадим. Буларни устида янада кўпроқ ишлашим керак", - дейди Забиҳилло Ўринбоев.