"Ювентус" Антонини МЮдан сотиб олиши учун икки шарт маълум бўлди
02 мар 21:30
Янгиликлар

"Ювентус" Антонини МЮдан сотиб олиши учун икки шарт маълум бўлди

"Ювентус" "Бетис"да ижара асосида тўп тепаётган "Манчестер Юнайтед"нинг 25 ёшли қанот ҳужумчиси Антонининг хизматларига қизиқиш билдирмоқда.

Бразилиялик футболчи ҳам Турин клубига ўтиш вариантига ижобий қарамоқда.

Аммо, бу трансфер амалга ошиши учун икки шарт бажарилиши керак: биринчидан, "қизил иблислар" Антони трансфери учун сўралган 50 млн евро миқдоридаги суммани пасайтириши керак. Иккинчидан, 25 ёшли ҳужумчи маошини камайтиришга мажбур бўлади. "Манчестер Юнайтед"да бразилияликнинг маоши йилига 14 млн еврони ташкил этади.

Антони жорий йилнинг январида "Бетис"га ижарага берилганди. Ушбу мавсумда вингер барча мусобақаларда 21 та ўйинда майдонга тушиб, 4 та гол ва 2 та ассистни ўз ҳисобига ёздириб қўйди. Футболчининг клуб билан амалдаги меҳнат шартномаси 2027 йилнинг ёзига қадар мўлжалланган. Transfermarkt футболчини 20 млн еврога баҳоламоқда.

Ҳавола :

Манба : TuttoJuve

Янгиликларни Телеграмда ўқинг!

Рейтинг: +1