“Ёзёвон-лочинлари”: Мавсум якунига бағишланган тадбир бўлиб ўтди
28 ноя 2015 20:25
Янгиликлар
![](https://championat.asia/upload/storage/190058_original.jpg)
![](/upload/storage/190058_220.jpg)
“Ёзёвон-лочинлари”: Мавсум якунига бағишланган тадбир бўлиб ўтди
“Қўқон-1912” Олий лигада қолди. “Цеметчи” биринчи лигани 4-ўринда тугатди. “Ёзёвон-Лочинлар” эса дебют мавсумида лигада қолиш вазифасини уддалаб, 8-ўринни банд қилди. Фарғона футбол ҳақидаги мана шундай илиқ фикрлар “Ёзёвон-Лочинлар” жамоасининг йил якунига бағишланган тадбирида ҳам бот-бот таъкидланди.
Дарҳақиқат, “Цеметчи” ва “Ёзёвон-Лочинлар” жамоалари биринчи лигадаги дебют мавсумларида ёмон таассурот қолдиришмади. Мавсум бошида “Ёзёвон-Лочинлар” жамоасини қабул қилиб олган Абдусамад Дўрмонов кейинчалик клубни Мурод Исмоилов фарзанди бўлган Исломбек Исмоиловга топширди. Айтиш керакки, “Ёзёвон-Лочинлар”ни лигада қолишида кичик Исмоиловнинг хиссаси катта бўлди. “Ёзёвон-Лочинлар” Исломбек Исмоилов мураббийлигида 15 ўйинда иштирок этиб, 9 та ғалаба, 3 дуранг ва 3 марта мағлубиятга учради. Афсуски, “Ёзёвон-Лочинлар” молиявий муаммолар сабаб бир неча сафар ўйинларига бора олишмади. Бироқ жамоа дебют мавсум давомида молиявий қийинчиликларга учрашига қарамасдан, лигада қолиш вазифасини уддалаб, туман мухлислари хурсанд қилишди.
Бугун Ёзёвон тумани марказида жамоа футболчилари бир дастурхон атрофида йиғилишди. Клуб раҳбарлари томонидан ўйинчилар учун мавсум якунига беғишланган байрам тадбири ташкиллаб берилди. Тадбирда сўзга чиққан, Ёзёвон тумани ҳокими жамоа футболчиларини қайд этган муваффақиятлар билан қутлаб янги мавсумдан молиявий муаммолар умуман бўлмаслиги ҳақида айтиб ўтди. “Ёзёвон-Лочинлар” жамоасида асосан махаллий ўйинлар тўп суриб, жамоа шарафини бу йилги мавсумда ҳимоя қилишди. Олинган сўнгги маълумотларга кўра, “Ёзёвон-Лочинлар” жамоасининг бир қатор иқтидорли футболчиларига Олий лигадан қизиқиш бор. Хусусан “Нефтчи” жамоаси ҳам қишда “Ёзёвон-Лочинлар” ва “Цеметчи”дан бир қатор футболчиларни ўз таркибига қўшиб олиши кутилмоқда.
Ҳожиакбар Жабборов. “Рухсор” ТРК матбуот хизмати
Ўхшаш янгиликлар
![AMP Logo](https://championat.asia/image/logo-amp.png)
Фикрлар