UZ

Сўнгги янгиликлар

22:59Максим Шацких: "Бундай голлар ўтказмаслик керак"  3 22:40Клублар ўртасидаги ЖЧ. "Ювентус" - "Манчестер Сити" баҳси асосий таркиблари маълум!  9 22:29Кристиан Эриксен: "Манчестер Юнайтед"га келиб, юраги ҳаста бўлган оддий одам эмас, ҳақиқий футболчи эканлигимни исботладим"  0 21:59Суперлига. Жиззахдаги драмада "Андижон" "Хоразм" устидан иродали ғалабага эришди  54 21:24Криштиану Роналду шартнома узайтирилгани ҳақида: "Менинг амбицияларим тугамайди"  12 20:59U21 биринчилиги. Пешқадамлар баҳсида дуранг, "Сўғдиёна", "Андижон", "Машъал"дан камбэк ва бошқа натижалар  1 20:17"Окленд" 1 млн долларни футболчилар ҳамда ходимлар ўртасида тақсимламоқчи  1 19:53"Ливерпуль" собиқ футболчиси Лаллана фаолиятини тугатиб, мураббийликка ўтди  4 19:30Шомуродов тавсияси билан Сурхондарё вилояти футбол академиясига спорт директори тайинланди  9 18:47Расман: Роналду "Ал Насср"да қолди!  18 18:37"Бухоро" мураббийи регламентни бузди, "Динамо" VAR машинаси турган жойда хавфсизликни таъминлай олмади, "Навбаҳор" ўйин давомида тўпларни яшириб қўйди — Лига комиссарлари билдиргиси  11 18:10Сиқилма меҳмондир танангда бу жон ҳам... Ўзбекистон кубогида нималар бўлмоқда?   11 17:50Расман: "Арсенал" ёш футболчиси билан шартномани узайтирди  0 17:35"Эшитдик-да"нинг инсайди тасдиқланди: Исмоилов "Нефтчи"да!  19 17:23"Футбол олами". Хайр, "Нефтчи". Хайр, ОКМК   2

Ёши 3 йилга "урилган" Бунёдкор" собиқ футболчисининг ҳужжатлари тўғриланди Янгиликлар

Ёши 3 йилга "урилган" Бунёдкор" собиқ футболчисининг ҳужжатлари тўғриланди

2002 йилда туғилган қўшработлик футболчи мусобақаларда 2005 йил дея кўрсатилган.

"Ўзбекистон Республикаси Президентининг 2019 йил 4 декабрдаги “Ўзбекистонда футболни ривожлантиришни мутлақо янги босқичга олиб чиқиш чора-тадбирлари тўғрисида”ги 5887-сон Фармонида мамлакатда футболни ривожлантиришга тўсқинлик қилаётган муаммолардан бири сифатида мусобақаларда қатнашувчи спортчининг биологик ёшини сунъий кичрайтириш ҳолатларининг мавжудлиги ҳам қайд этилган.

Лига мунтазам равишда Адлия органлари билан ҳамкорликда футболчилар ёши кичрайтирилиши билан боғлиқ ҳолатларни аниқлаб келмоқда. Илк меҳнат шартномаси 2023 йил Лига рўйхатидан ўтказилган уч нафар футболчида ёшни кичрайтириш билан боғлиқ ҳолат аниқлангани ҳақида йил аввалида хабар берилганди. Кейинроқ икки ҳолат бўйича иш якунланиб, ёш футболчиларнинг ҳақиқий туғилган йили бўйича ҳужжатлари расмийлаштирилганди. 

Яна бир нафар футболчи эса тегишли футбол клуби билан меҳнат шартномасини муддатидан олдин бекор қилганди. Мазкур камчиликни у томонидан ихтиёрий равишда, қонунчилик ҳужжатларига мувофиқ бартараф этилмагани туфайли, Лига ҳуқуқни муҳофаза қилувчи органларга мурожаат юборганди. Ўрганишлар ҳужжатлар ҳақиқатдан ҳам ёшни кичрайтириш билан боғлиқ қалбаки маълумотлардан иборат эканлигини кўрсатди. Маълумотга асосан суриштирув ишлари ўтказилди ҳамда футболчининг ёшини кичрайтириш билан боғлиқ ҳужжатларни расмийлаштирган шахслар аниқланди.  

Шу тариқа Лига ва Ички ишлар органлари ҳамкорлигида Қўшработ тумани ИИБМ ва ФРБ томонидан футболчи номига расмийлаштирилган туғилганлик ҳақидаги гувоҳнома, ID карта ва хорижга чиқиш биометрик пасспорти амалдаги қонунчиликда белгиланган тартибда бекор қилиниб, унинг номига ҳақиқий туғилган йили бўйича ҳужжатлар расмийлаштириб берилди. Яна ҳам аниқроғи, 2002 йилда туғилган футболчининг мусобақаларда 2005 йил бўлиб иштирок этиши олди олинди", -дейилади ЎзПФЛ баёнотида.


ЎзПФЛ жорий йилнинг 6 март санасида ушбу ҳолат бўйича бундан олдинги баёнотни берганди. Ўша хабарда ёши кичрайтирилган футболчи "Бунёдкор" клубининг U-19 жамоасида рўйхатдан ўтгани маълум қилинганди:

"Ўрганишлар натижасида 3 нафар футболчининг ҳужжатларида туғилган йили юзасидан тафовут борлиги аниқланганди. Мазкур футболчиларни рўйхатдан ўтказган Суперлиганинг икки клуби ҳамда футболчиларнинг ўзи бу ҳақда расман огоҳлантирилди. Лига футболчиларга муддат тақдим этиб, барча масала қонун доирасида ҳал этилиши лозимлигини тушунтирди.

Мазкур 3 футболчидан 2 нафари ўз айбига иқрор бўлиб, масалани қонун доирасида ҳал этди. "Бунёдкор" клубининг U-19 жамоаси сафида рўйхатдан ўтган футболчи эса Лига томонидан берилган муддат ичида ишни ҳал қилмади. Айни вақтда футболчи Бунёдкор билан бирга эмас. Шунга қарамай, унинг бошқа клуб сафида эҳтимолий рўйхатдан ўтиши инобатга олиниб, Лига Самарқанд вилояти прокуратурасига расмий мурожаат йўллади"

Рейтинг: -1   

Фикрлар

championat.asia
< сўнгги янгиликларни кўриш
Яндекс.Метрика