UZ

Сўнгги янгиликлар

22:55Шерзод Насруллаев: "Бу ҳали бошланиши, бундай ғалабалар кўпроқ бўлишига ҳаракат қиламиз"  8 22:24Ҳусайн Норчаев: "Совринни ота-онамга бағишлайман"  5 21:55Иско финал олдидан қандай фикрда?  0 21:38"Насаф" - 2025 йилги Ўзбекистон Суперкубоги соҳиби!  221 20:51Симоне Инзаги "Олтин тўп"ни ким олиши кераклигини айтди  9 20:29"Барселона" Шенсни бўйича қарор қабул қилди  2 19:52Хаби Алонсонинг "Реал" бош мураббийи этиб тайинланганидан кейинги илк фикрлари  7 19:25"Милан" янги спорт директорини тайинлади. Жамоани қайта тиклаш учун ким жавобгар бўлади?  7 19:02Дониёр Саидов: "Тажрибали мураббийларнинг тактик курашига гувоҳ бўламиз"  0 18:49Ўзбекистон Суперкубоги. "Насаф" – "Андижон". Таркиблар маълум  14 18:37"Насаф"нинг Суперкубок баҳси учун "Бунёдкор"га етиб келишидан суратлар  1 18:28"Андижон"нинг Суперкубок учрашуви учун стадионга етиб келишидан суратлар  9 18:16Асрор Алиқулов: "Биринчи бўлимда бизга иккинчи бўлимдаги каби шижоат етишмади"  0 18:00БАА - Ўзбекистон учрашувини катта экранда томоша қилишни истаганлар диққатига!   12 17:54Ўзбекистон Суперкубоги-2025. "Бунёдкор" стадиони учрашувга шай ҳолатда  2

Ёрқин Назаров: "ПФЛ танлайдиган форматини жиддий таҳлил қилиши керак" Янгиликлар

Ёрқин Назаров: "ПФЛ танлайдиган форматини жиддий таҳлил қилиши керак"

Ўтган мавсум Вадим Абрамов бошчилигидаги мураббийлар штабида фаолият юритган, янги мавсумни "Бунёдкор-2" бош мураббийи сифатида бошлаган Ёрқин Назаров клуб матбуот хизматига интервью берди.

"Футболчилик фаолиятимда ҳам бундай ҳолат билан тўқнаш келмагандим. Яъни, чемпионат бошланиши арафасида ихтиёрсиз равишда мажбурий таътилга чиқиш. Яхши томони шундаки, мураббий сифатида вазиятдан чиқишга ҳаракат қиламан, бундай ҳолатларда нималар қилиш кераклигини ўрганаман. Аниқроғи, мажбурий таътилдан фойдаланиб, ўз устимда ишлаяпман, кўп китоблар ўқияпман. Қандай қилса бу вазиятдан осон чиқилади, футболчиларни масофавий ҳолатда мавсумга тайёрлашнинг йўлларини ўрганяпман. 

Ҳозир футболчилар жисмоний ҳолатни бир маромда ушлаб туриш учун ўз уйида машғулот ўтказмоқда. Тез орада ижтимоий тармоқдаги гуруҳимизда йигитларга назарий машғулотлар ўтишни бошлайман. Шогирдларимга назарий машғулотларни ўтиб, нимани хоҳлаётганимни тўлиқ тушунтириб бера олсам, мавсум давомида қийинчиликка дуч келмайман, деб ўйлайман. Жисмоний ҳолат? Мураббийлар штабида жисмоний тайёргарлик бўйича профессионал ёрдамчим бор. Уни ўз дастури ва етарлича тажрибаси бор. Ўйлайманки, футболчиларнинг жисмоний ҳолати бўйича жамоада муаммо бўлмайди. 

Ўзбекистон биринчилиги қайси форматда ўтишини хоҳлайман? Рости, буни ҳозирча ўйлаб кўрганим йўқ. Фақат ПФЛ қайси форматни танласа ҳам жиддий таҳлил қилиши керак. Карантин қачон якунланиши номаълум. Қолаверса, ҳали машғулот ўтказишга ҳам рухсат берилмади. Табиийки, уёғига вақт кам бўлади. Ўз-ўзидан бу ерда клубларга оғирлик қилмайдиган формат танлаш кераклиги маълум.

Карантин даврида халқимизга сабр-тоқат тилайман. Барчадан ҳукуматимиз қўйган талабларга қатъий риоя қилишини сўраб қоламан. Шунда биз биргаликда вирусни енгамиз".

Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика