Япония - пляж футболи бўйича Осиё чемпиони
17 мар 2019 21:25
Янгиликлар

Япония - пляж футболи бўйича Осиё чемпиони

9-17 март кунлари Таиланднинг Петтая шаҳрида пляж футболи бўйича Осиё чемпионати ўтказилди.

15та жамоа қатнашган мазкур мусобақада Япония пляж футболи терма жамоаси финалда БААни мағлуб этиб чемпионликни қўлга киритди. Ўйиннинг асосий вақти 2:2 ҳисобида якун топди. Пенальтилар сериясида эса японлар 3:1 ҳисобида зафар қучишди.

Осиё чемпионатида қатнашган жамоалар:

"A" гуруҳи - Таиланд, Афғонистон, Малайзия, Фаластин.

"B" гуруҳи - БАА, Ливан, Хитой, Қирғизистон.

"C" гуруҳи - Япония, Баҳрайн, Қатар, Қувайт.

"D" гуруҳи - Эрон, Уммон, Ироқ.

Мусобақа якунида ғолиб жамоага бош соврин кубок топширилди. Мусобақанинг "Энг яхши футболчиси" деб японлар сардори Озу Морейра топилди. У чемпионат давомида 9та гол уриб ўз жамоасининг чемпион бўлишида муносиб ҳисса қўшди.