Янги мавсумдан Бундеслигада "Adidas" тўпларини кўрмаймиз + ФОТО
29 дек 2017 19:07
Янгиликлар

Янги мавсумдан Бундеслигада "Adidas" тўпларини кўрмаймиз + ФОТО

Спорт экипировкалари ишлаб чиқарувчи дунёдаги энг машхур немис компанияси ҳисобланган "Adidas" энди Германия Бундеслигасини тўп билан таъминламайди.

"Adidas" ва Бундеслига ўртасида 2010-2011 йилги мавсумда имзоланган шартнома жорий мавсум якунида ниҳоясига етади. Лига ҳозирнинг ўзидаёқ кейинги 4 мавсум учун бошқа бир немис компанияси "Derbystar" билан келишиб қўйди.

Интернетда янги мавсум тўпларининг норасмий суратлари пайдо бўлди.

"Adidas" билан тўпларни етказиб бериш бўйича шартнома Бундеслига тарихида биринчиси бўлган. Мусобақага 1963 йилда асос солинган бўлса, ўшандан буён то 2010-2011 йилги мавсумга қадар жамоалар қайси тўпда ўйнашни ўзлари ҳал қилишган. "Adidas" билан амалда бўлган 7 йил давомида лига компаниянинг "TORFABRIK" тўпларидан фойдаланиб келди. У ЖЧ-2010да фойдаланилган "Жабулани" тўпи асосида яратилган.

Бундеслиганинг охирги 6 мавсум учун "Adidas" томонидан тақдим этилган тўплари.

Бу эса жорий мавсум тўпи.

Жорий мавсум қиш фасли учун мўлжалланган тўпи.

Янги таъминотчи "Derbystar" компаниясига 1963 йилда асос солинган. 1991 йилдан у спорт экипировкалари ишлаб чиқарувчи бошқа бир компания "Select" (Дания)га тегишли.

Эслатиб ўтамиз, олдинроқ "Adidas" энди Лига 1 (Франция чемпионати)га ҳам тўп етказиб бермаслиги маълум бўлган эди.

Ҳавола :

Манба : instagram.com/bundesliga_en

Янгиликларни Телеграмда ўқинг!

Рейтинг: +4