Хуршид Ғиёсов: “ОЧЛдаги дебют учрашувимда аламли тарзда мағлуб бўламиз, деб ўйламагандим”
01 мар 2017 13:10
Янгиликлар

Хуршид Ғиёсов: “ОЧЛдаги дебют учрашувимда аламли тарзда мағлуб бўламиз, деб ўйламагандим”

Кеча ОЧЛнинг гуруҳ босқичи 2-тур учрашувида Тошкентнинг “Бунёдкор” клуби БААнинг “Ал Айн” жамоасини қабул қилди ва 2:3 ҳисобида рақибларига мағлуб бўлди.

Ушбу баҳсдан сўнг “Бунёдкор” клуби футболчиси Хуршид Ғиёсов ўз фикрлари билан ўртоқлашди.

“Авваламбор жамоадошларимга мана шу ўйин учун раҳмат айтаман. Улар борларини бериб ҳаракат қилишди. Акром Комиловга қизил карточка кўрсатилганидан сўнг жамоа бироз ҳимояга эътиборни қаратди.

ОЧЛ мусобақасида дебют учрашувимни ўтказганимдан хурсандман. Албатта мағлубият аламли бўлди. Бундай йирик мусобақадаги дебют учрашувимда мана шундай тарзда мағлубиятга учраймиз деб ўйламагандим. Яна бир неча кундан сўнг ички чемпионатимиз бошланади. Бор эътиборимизни ички чемпионатга қаратиб ОЧЛнинг кейинги баҳсларига жиддий тайёргарлик кўрамиз.

“Ал Айн” Осиёнинг энг кучли жамоаси. Футболчилари ҳам ўзига яраша, Умар Абдулраҳмон эса жуда ҳам маҳоратли футболчи”, - дейди “Бунёдкор” футболчиси Хуршид Ғиёсов.

Жаҳонгир Сотволдиев ёзиб олди.

Ҳавола :

Манба : championat.asia

Янгиликларни Телеграмда ўқинг!

Рейтинг: +4