Хосе Пекерман – Венесуэла терма жамоаси янги устози
02 дек 2021 19:10
Янгиликлар

Хосе Пекерман – Венесуэла терма жамоаси янги устози

Хосе Пекерман расман Венесуэла термаси бош мураббийи этиб тайинланди.

Олдинроқ тажрибали мутахассис Аргентина ва Колумбияни бошқарган. У ҳар икки термани ЖЧ 1/4 финалига олиб чиққан. Унинг қўл остидаги колумбияликлар 2016 йилда Америка кубогида бронза медалларини қўлга киритишган.

Пекерманнинг дебюти 27 январь куни бўлиб ўтади, ўша куни венесуэлаликлар жаҳон чемпионати саралаш босқичининг 15-турида Боливияга қарши баҳс олиб боради. Ҳозирда жамоа турнир жадвалида сўнгги, 10-ўринда бормоқда.

Маълумот учун, Венесуэла — жаҳон чемпионатига ҳеч қачон чиқмаган КОНМЕБОЛнинг ягона аъзосидир. Улар Қатардаги жаҳон чемпионати йўлланмаси учун курашни аллақачон тарк этган.

Ҳавола :

Манба : federacionvenezolanadefutbol.org

Янгиликларни Телеграмда ўқинг!

Рейтинг: +2