Холанд АПЛда 3 та рекордни янгилади

“Шаҳарликлар” форварди Эрлинг Холанд чемпионат доирасида уйда ўтказилган қаторасига учинчи баҳсда хет-трикка эришиб, АПЛда бундай натижа қайд этган илк футболчига айланди. Аввалроқ, у “Ноттингем Форест” (6:0) ҳамда “Кристал Пэлас” (4:2) билан “Этиҳад”да ўтган учрашувларда учтадан гол урганди.

Шунингдек, 22 ёшли форвард мусобақада учта хет-трикни энг тез қайд этган ўйинчи сифатида ҳам рекорд қўйди. У бунинг учун 8 та ўйин сарфлади ҳамда Майкл Оуэннинг (48 та баҳс) натижасини анча яхшилашга эришди.

Бундан ташқари, норвегиялик Англия юқори дивизиони дастлабки 8 туридан кейин 14 та гол урган биринчи футболчи сифатида тарихдан жой олди.