UZ

Сўнгги янгиликлар

12:20"Насаф" "Шўртан"ни Қаршида йирик ҳисобда мағлуб этган ўйиндан ФОТОГАЛЕРЕЯ  0 11:54"Ливерпуль" Конатега ўринбосар танлади  0 11:23"Реал" сўнгги 11 йилликдаги клуб антирекордини ўрнатди  9 10:50«Манчестер Сити» Де Брюйне ўрнига асосий номзод маълум  2 09:51Sofascore. Кеча Азизбек Ғаниев жамоадошлари орасида энг катта баҳога лойиқ кўрилди  10 09:20Анчелотти кутилмаган мағлубиятдан сўнг нималар деди?  17 08:49«Бавария» етакчиси учун мавсум якунланди  4 08:28Лушан «Нефтчи»дан учралган мағлубиятдан сўнг нималар деди?  7 08:00U-17 Осиё кубоги. Ўсмирларимиз бугун ЖЧ йўлланмасини ҳал қилиши мумкин  5 07:47Анвар Бердиев: "Ҳужумчи битта ҳимоячини алдаб ўта олмаса, у ҳужумчи ҳисобланмайди. Исоқов, Ҳамидуллаевлар яна чиқади. Фақат..."  8 07:33Суперлига. Бугун учта учрашув бўлиб ўтади  2 02:13А Серия. "Парма" — "Интер" ва "Милан" — "Фиорентина" ўйинларида 2:2 ҳисоблари қайд этилди  2 02:00Ла Лига. "Барселона" ўз уйида "Бетис"ни мағлуб этолмади  55 00:23Рўзиқул Бердиев: "Ўйинни тўлиқ назорат қилдик. Кенжабоев ва Давронов умумий гуруҳда шуғулланмоқда"  2 00:20Суперлига. "Нефтчи"да камбэк, "Насаф"да йирик ғалаба  6

Хитой Тайпейидаги қийинчиликлар, Суперлига мураббийларига раҳмат, Аргентина ва Уругвайга қарши бўлажак ўйинлар ҳақида — Фарҳод Нишонов Янгиликлар

Хитой Тайпейидаги қийинчиликлар, Суперлига мураббийларига раҳмат, Аргентина ва Уругвайга қарши бўлажак ўйинлар ҳақида — Фарҳод Нишонов

Ўзбекистон U-20 терма жамоаси Хитой Тайпейида ўтган Осиё кубоги саралаш баҳсларини 100 фоизли натижа билан якунлаб қитъа биринчилигига йўлланма олганидан хабарингиз бор.

Ушбу саралаш баҳслари якунлангач Ўзбекистон терма жамоаси бош мураббийи Фарҳод Нишонов championat.asia сайтига интервью берди.

"Дастлабки учта ўйинни йирик ҳисобда ютганимиздан кейин ҳам бўшашмадик. Сабаби йўлланмага эга чиқмагандик. Баҳрайнга қарши учрашувдан олдин рақибларда ҳам имконият бор эди. Йирик ғалабалар туфайли четдан қараганда барчага Осиё кубоги йўлланмаси осон қўлга киритилгандек туюлиши мумкин. Лекин йигитлар машғулотлар ва майдон ташқарисида қандай сабрли бўлишганини ўзим гувоҳи бўлдим. Бу ердаги овқатлар ҳалол эмаслиги учун йигитлар уларни тановул қилишмади ҳам. Бундан ташқари машғулотлар ҳам, ўйинлар ҳам сунъий майдонларда ўтказилди. Тўғри жароҳатлар бўлмади, лекин футболчиларимизнинг оёқларида оғриқлар бор ва кўкаришлар кўриниб турибди. Йигитлар Хитой Тайпейидаги об-ҳавога ҳам кўникишди. Бу ерда намлик жуда ҳам юқори бўлганини барча кўрди деб ўйлайман.

Яна бир нарсани алоҳида таъкидлаш лозим. Бу саралаш мусобақаси ФИФА кунларида ўтмади. Шу боис Суперлига клублари мураббийларига катта раҳмат айтмоқчиман. Барча мураббийлар ўз футболчиларини терма жамоага қўйиб юборишди. 1 ой давомида йигитлар терма жамоада бўлишди ва бизга катта ёрдам беришди.

Кейинги режаларимизга келсак Осиё кубогига тайёргарлик кўрамиз. Саралашдаги ўйинларимизни кучайтиришимиз шарт. Рақиблар ҳам бизни ўрганишни бошлашади. Ўз ўйин услубимизни ўзгартирмаган ҳолда индивидуал тарзда йигитлар ўсиши керак. ЎФА халқаро бўлими Аргентина ва Уругвай терма жамоалари билан музокара ўтказишмоқда. Аргентина билан виза бўйича муаммо бўлмоқда. Агар барчаси яхши кетса октябрь ойидаги ФИФА кунларида шу икки давлат терма жамоаларига қарши ўртоқлик учрашувлари ўтказамиз. Февраль ойидаги Осиё кубогига қадар яна йиғинлар ва ўйинлар ўтказамиз", - деди Фарҳод Нишонов championat.asia сайтига берган интервьюсида.



Рейтинг: +7   

Фикрлар

championat.asia
< сўнгги янгиликларни кўриш
Яндекс.Метрика