UZ

Сўнгги янгиликлар

03:06Франция чемпионати. ПСЖ мавсумдаги 21-ғалабасини қўлга киритди  0 02:56Ла Лига. "Атлетико" "Вильярреал"дан усутун келди  3 02:00Olamsport: Дзюдочиларимиздан кетма-кет олтин медаллар, "Ҳумо" плей-оффда ўйин ўтказди ва бошқа хабарлар  0 01:46Бензема "Манчестер Сити" ҳақида: "Мақсадимиз – ғалаба, доим шундай бўлган"  1 01:28ПСЖ махсус либосларда майдонга тушди. Сабаб – коронавирус  2 01:08Истанбул дербиси. "Галатасарой" устунликка эришди  3 00:55Франция чемпионати. ПСЖнинг "Бордо"га қарши асосий таркиби билан танишинг  0 00:22А Серия. "Рома" йирик ҳисобда ғалаба қозонди  0 00:13Ла Лига. "Атлетико" – "Вильярреал". Жамоаларнинг бошланғич таркиблари билан танишинг  2 23:47АПЛ. "Арсенал" – "Эвертон" баҳси голларга бой бўлди  3 23:29Остон Ўрунов "Уфа" билан Рафаэль Бенитес жамоасини мағлуб қилди  12 23:15"Барса" Лаутарога 5 йилга мўлжалланган битим таклиф қилди  10 23:00Рифат Акрамхўжаев: "Асосий мақсад яхши футболчиларни тарбиялаб бериш"  2 22:49“Навбаҳор” эртага украиналик ҳимоячининг трансферини эълон қилиши кутилмоқда  27 22:40"Спартак" - "Пахтакор" учрашувидан мухлислар ФОТОГАЛЕРЕЯСИ  5

Хайр, кичик сеҳргар. Нега биз Уэсли Снейдерни унутмаймиз? Янгиликлар

Хайр, кичик сеҳргар. Нега биз Уэсли Снейдерни унутмаймиз?

Сўнгги яратувчилардан бири футбол майдонидаги фаолиятини якунлади.

Уэсли Снейдер фаолиятини якунлагани ҳақида эълон қилди. "Утрехт" билан шартнома имзолаган ярим ҳимоячи бир қанча вақт ўтиб фикридан қайтди ва бутсаларини михга илди. 35 ёшга тўлган Снейдер яна бир неча мавсум тўп тепиши мумкин эди, аммо унинг фаолияти якунига етиб бўлганди. Унга даҳшатли мавсум учун "Олтин тўп" беришмаганида ҳаммаси тугаган. Қолган ҳаммаси қисқа муддатли портлашлар бўлди.

Снейдер 2010 йилда ўзининг энг яхши ўйинини кўрсатди. Нега ўшанда "Олтин тўп"ни Чемпионлар лигаси ғолиби ва ЖЧ вице-чемпионига эмас, балки ва ЛаЛигада зафар қучган Лео Мессига беришгани тушунарсиз. Умуман олганда бу жуда аламли ва тушунтириб бўлмайдиган ҳикоя.


Снейдер Жозе Моуринью қўл остидаги ўта кучли "Интер"нинг бир қисми бўлган. Таркибда Диего Милито, Камбьяссо, Занетти ва Матераццилар бўлган.

Голландиялик барча турнирларда ўз жамоасининг етакчиси бўлган. Чемпионлар лигасида "Челси"ни "кўмди", "Барселона"га "эшикни ёпди". Ўшанда ҳеч ким Мессини майдонда кўрмади... Финалда "Бавария"га ҳеч қандай имконият берилмади. Уэсли голли пас берди ва фаолиятидаги асосий ғалабани нишонлади. Шу турнирнинг ўзида у "Олтин тўп"га муносиб иш қилганди, аммо ўша йил жаҳон чемпионати ҳам ўтказилди.


Снейдер Голландияни финалгача олиб чиқди. Бешта гол, чиройли ўйин ва етакчилик сифатлари - Уэслининг ўша йиллардаги асосий хотираларига айланди. Голландиялик чорак финалда ўзининг сеҳрли боши билан Бразилия терма жамоаси дарвозасига гол урди. Эртак финалда якунига етди, аммо бундай мавсумни жуда камчилик такрорлай олиши мумкин. Умуман олганда у ҳаммани ҳайрон қолдирди, бироқ сайёрамизнинг энг яхши футболчисини аниқлайдиганлар ҳамманинг сафига кирмаса керак. Снейдер хатто кучли учликка ҳам кирмади! Футболчи буни ҳақоратдек қабул қилди.


"Манчестер Юнайтед"га "йўқ" деди

Буюк "Интер"ни бошқа кўрмадик. Моуринью максимал натижага эришиб, ветеранлар жамоасини тарк этди. Снейдер бошқа ҳеч қачон 2010 йилдаги даражага яқин келмади, аммо бунга фақат йўқолган мотивация эмас, балки чарчоқ ҳам сабаб бўлган. Голландиялик сўнгги интервьюда фаолиятининг сўнгги саккиз йилида нега жон бериб футбол ўйнамаганини тушунтирди.

"Буни якунлаш вақти келди. Етти ёшдан бери футбол ўйнайман. Ҳеч қачон эркин инсон бўлмаганман. Шанба ва якшанба кунлари дам олиш, туғилган кунни нишонлаш ёки дафн маросимларига бориш учун вақт бўлмаган. Футбол қонимда бор, аммо қиладиганимни қилиб бўлдим".

Снейдер бу сўзлар билан ҳаммасини очиқчасига тушунтирди. Буюк ярим ҳимоячининг бахти ва трагедияси. Уэсли "Олтин тўп" воқеасидан сўнг "Манчестер Юнайтед"да фаолиятини қайтадан қуриши мумкин эди. 2012 йилда шахсан Алекс Фергюсоннинг ўзи голландиялик сеҳргарни МЮда кўришни истаган ва уни Робин ван Перси билан тандем бўлишини тасаввур қилган, аммо трансфер амалга ошмади. Ҳамма Уэсли МЮ ёки бирор топ-клубни танлашини кутганди, бироқ голландиялик пул кетидан Туркияга йўл олди. Хотиржам ҳаёт муҳимроқ.


Пул ва тинчлик

Снейдер сўнгги йилларда фақат пул ишлади. Туғри, Туркияда у баъзида маҳоратини кўрсатар эди, бироқ даража аввалигек бўлмади. Истанбулда голландияликни яхши кўриб қолишди, аммо футболчи бунга шунчаки ишдек қаради. Буюк плеймейкер шунчаки шартномаси якунланишини кутди. Уэсли 2017 йилда яна юқори савияга қайтишни истаб қолди ва "Ницца"га ўтди. Бироқ Францияда у аввалги ўйинчи эмаслигини тушуниб етди. Кейин у Қатарга йўл олди.

Ижодкор футболчи учун майдонда вазиятлар яратиб, жамоа учун керакли эканлигини ҳис қилиш муҳим. Уэсли сўнгги саккиз йилни худди зерикарли офисдаги ишга боргандек ўтказди.


Мерос

Биз голландияликнинг сўнгги саккиз йилдаги ўйинини эмас, балки 2010 йилдаги фантастик ҳаракатларини эслаймиз. У сўнгги классик плеймейкерлардан ҳисобланади. Бироз дангаса, аммо яхши ўйини учун ҳамма нарсани кечириш мумкин. Ўнлаб йиллардан сўнг унинг Туркия ва Қатардаги саёхатлари унитилади, бироқ ЖЧдаги голлари ҳамда Чемпионлар лигасидаги муваффақияти доимо ёдда қолади. Уэсли қўлидан келган ҳамма ишни қилди, аммо бир куни унинг индивидуал маҳоратига етарлича баҳо бермасликларини тушуниб етди. Снейдер тўп тепишдан чарчади.

Рейтинг: +22   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг