Хайнкес: “Бавария” ва Испан клублари Горецкага харидор
02 янв 2018 22:44
Янгиликлар

Хайнкес: “Бавария” ва Испан клублари Горецкага харидор

Мюнхеннинг “Бавария” клуби бош мураббийи Юпп Хайнкес жамоа “Шальке-о04” ярим ҳимоячиси Леон Горецкага қизиқиш билдираётганлигини тасдиқлади.

Илгарироқ мавсум якунлангач, 22 ёшли футболчи эркин агент сифатида “Бавария” сафини тўлдириши мумкинлиги ҳақида хабарлар пайдо бўлганди. Аммо футболчининг агенти яқинда футболчи кейинги тақдири борасида аниқ бир қарорга келмаганлигини айтиб ўтди.

“Горецка билан боғлиқ вазият мендан ҳам кўра кўпроқ сизларга маълум. Леон сўнгги мавсумларда анча ўсишга эришди. Футболчининг агентининг у ҳали аниқ бир қарорга келмаганлиги ҳақидаги интервьюсини ўқидим. Бир қатор испан клублари ҳам унга қизиқиши билдиришмоқда. Шу сабаб ҳозир сабр билан воқеалар ривожини кузатишимиз лозим. Леон жуда яхши йигит, у менга ёқади”, деди Хайнкес журналистлар билан мулоқот чоғида.

Горецканинг “Шальке” билан шартномаси 2018 йилнинг ёзига қадар амалда бўлади. Илгарироқ футболчига “Барселона” ва “Реал” қизиқаётганлиги ҳақида хабарлар тарқатилганди.

Ҳавола :

Манба : Goal

Янгиликларни Телеграмда ўқинг!

Рейтинг: +7