Хави Гарсия: "Виллаш-Боаш "Зенит"га келишимга катта рол ўйнади"

- Сиз аввалги жамоадошлариз Витсел ва Гарай билан гаплашиб олдингизми? Улар нималар дейишди?
-Ҳа, ушбу иккала футболчилар билан гаплашишга улгурдим. Втселнинг айтишича, клуб ажойиб экан. Нафақат жамоа, балки шаҳар ҳам жуда чиройли эканлигини айтиб ўтди. Гарай ҳам бу фикрларга қўшилди ва бу ерда ўйнаш ёқимли эканлигини яширмади.

- Севган қизингиз ўзининг "Instagram"даги саҳифасида сизни янги ҳаёт кутаётганлиги расмда изоҳ сифатида ёзиб қолдирибди. "Зенит" сафига ўтиш бу сиз учун нима?
- Ҳаҳаҳа, бу ҳақида билмагандим. Мен ундан бу ҳақида ҳеч кимга айтмаслигини сўрагандим. Энди эса жамоа билан шартнома имзолаб бўлдим ва мен бахтлиман. "Зенит"га ўтиш бу мен учун янги қадам. Бу нафақат мен учун, балки севган қизим ва қизалоғим учун ҳам қизиқарли бўлиши аниқ.

-Янги устозингиз Виллаш-Боаш билан гаплашиб олдингизми?
-Аслини олганда мен у билан телефонда кўп маротаба гаплашдим. Мени "Зенит"га ўтишимда унинг роли катта бўлди. Андре Виллаш-Боаш клубнинг келажакдаги режалари ва мақсадлари ҳақида сўзлаб берди. Биз юқори мақсадлар сари дадил интиламиз. Ўйлайманки, керакли натижаларни қўлга кирита оламиз.