Хайрулла Каримов: "ОЧЛда жамоамиз олдига энг юқори марра қўйилган"

Шундай бўлишига қарамай жамоа етакчиси бу ўйиндан қониқди. Тажрибали ҳимоячи ўйин ҳақида фикрларини билдириб ўтди.

"Ал Жазира"га қарши жуда чиройли ўйин бўлди. Албатта , ўйиндан ва натижадан жамоамиз қониқди. Бизнинг мақсад гуруҳ босқичига чиқиш эди. Шу билан бирга мавсумни мухлислар учун яхши кайфиятда бошлаб бериш вазифамиз эди. Ҳужумкор ўйинда ғалаба қозондик. Бу натижа билан тўхтаб қолмаслик керак. Ўйин якунлангандан бошлаб гуруҳ босқичи ҳақида ўйладик" , - дейди Хайрулла Каримов.

- "Бунёдкор"нинг ўйин олди матбуот анжуманида Хайрулла Каримов иштирок этиши ҳақида эшитган эдик. Кейинчалик майдонда ҳам асосий таркибда кўрмадик. Бунинг нима билан изоҳлар эдингиз ?

Бу мураббийнинг қарори ва уни ҳурмат қиламиз. Ким ўйинга тайёр бўлса ўша майдонга тушди. Ҳали мавсум олдинда ҳар бир футболчида ўзини кўрсатиш учун имконият етарлича топилади. Асосийси ким майдонга тушгани эмас натижадир.

- "Бунёдкор" ОЧЛда кўп йиллардан буён иштирок этиб келмоқда. Энди жамоа олдига вазифа қўйилиш фурсати етмадими ?

Жамоамимиз бу йилда ҳам ўз олдига энг олий вазифани қўяди. Умуман клубимиз мақсади ҳар қандай мусобақада фақат чемпионликдир. Бу йил ОЧЛда ҳам энг юқори марра қўйилган. Бунинг учун бизда имконият ҳам етади деб ўйлайман.