Войнески: "Кўзланган натижага эришолмаганимиз учун барчадан кечирим сўраймиз"
25 апр 2022 19:02
Янгиликлар

Войнески: "Кўзланган натижага эришолмаганимиз учун барчадан кечирим сўраймиз"

Осиё Чемпионлар лигасининг 6-туридан ўрин олган "Пахтакор" - "Ал Таавон" учрашуви олдидан ўтказилган матбуот анжуманида "шерлар" бош мураббийи Славче Войнески ҳамда ярим ҳимоячи Аббосбек Файзуллаев иштирок этди.

Войнески: Эртага охирги ўйинимизни ўтказамиз. Сўнгги ўйинда жудаям омадсиз бўлдик. Вазиятлардан фойдаланмаслик оқибатида жазоландик. Футболчилар босимсиз эркин ўйнаши мумкин. Мезбонлар эса кейинги босқичга чиқишга уринишади. Биз ғалаба учун ҳаракат қиламиз. Таркибда баъзи ўзгаришлар қилиб, ёшларга имкон беришимиз мумкин.

Файзуллаев: Эртага сўнгги ўйин, афсуски, кейинги босқичга чиқа олмадик. "Таавон" яхши жамоа, юқори савияли ижрочиларга эга. Баҳс қизиқарли бўлиши кутилмоқда. Биз жамоа билан зафар қучишга интиламиз.

Войнески: Кўзланган натижага эришмаганимиз учун бутун жамоа билан бирга мухлисларимиздан, раҳбариятдан кечирим сўраймиз. Айнан ижобий натижаларни қўлга кирита олмаганимиз учун ҳам ғалаба мақсадида ўйнаш бизга иштиёқ беради.

Уч нафар футболчи бизга ёрдам бера олмайди. Биз қўлдан келганча ютуқ учун ўйнаймиз. Футболда доим курашиш зарур, майдонда борини бериш лозим. Жамоа характери шунда шаклланади. Биз "Таавон"га қарши майдонда бор кучимизни берамиз. Ҳозир энг яхши ҳолатда бўлган футболчилар майдонга тушади. Ёш футболчилар ўйин мобайнида имкониятга эга бўлади.

Ҳавола :

Манба : "Пахтакор" ФК матбуот хизмати

Янгиликларни Телеграмда ўқинг!

Рейтинг: -44