UZ

Сўнгги янгиликлар

20:24Расман: Эдин Жеко А Серияга қайтди  0 20:00Фердинанд: "Энрике Дембелени суперюлдузга айлантирди, у Мбаппедан ҳам муҳимроқ футболчи бўлиб олди"  2 19:38"Динамо" футболчиси бошқа жамоага йўл олди  0 19:16Ашурматов: "Ҳусанов "Манчестер Сити"га ўтганидан кейин ўзгариб қолмади"  1 18:49Жота иштирокидаги ҳалокатли воқеа гувоҳи баёнот берди  1 18:21Касорлани албатта Ла Лигада кўрамиз. У яна бир мавсум "Овьедо"да қолади  1 17:57​"Челси" Мадуэкенинг нархини кўтарди. Бу "Арсенал"ни қўрқитмоқда  3 17:34АПЛнинг икки клуби "Манчестер Сити" футболчисига қизиқиш билдирмоқда  1 17:06"Пахтакор" йирик агентлик мижози бўлган ироқлик футболчига кўз тикди  6 16:40Расман: "Арсенал" АПЛ клуби сардорини қўлга киритди  2 16:24Суперлиганинг 2 та клуби Ироқ терма жамоаси хавбекига даъвогарлик қилмоқда  4 16:03"Насаф" 3 та позицияга легионер олиб келади  8 15:41Ҳожимат Эркинов собиқ клуби ҳакамларни сотиб олишда айбланиб чемпионатдан четлаштирилди  5 15:15Суперлига-2025. Биринчи даврада мураббийлар томонидан айтилган фикрлардан сара иқтибослар   2 15:01"Олимпик" вакиллари 2 ойдан бери маош олишмаяпти  3

Воҳид Холбоев: "Бугун "Зомин" иккита пенальтидан фойдалана олмади" Янгиликлар

Воҳид Холбоев: "Бугун "Зомин" иккита пенальтидан фойдалана олмади"

Ўзбекистон Про-лигаси 15-тури доирасида "Зомин" - "Нурафшон" (0:1) учрашувидан кейин меҳмонлар устози Воҳид Холбоев ўз фикрларини билдирди.

"Бугун энг яхши ўйинларимиздан бирини намойиш қила олдик. Ғалаба билан барчани табриклайман. Йигитларга раҳмат айтаман. Уларга умуман эътирозим йўқ. Бугун барчадан мамнунман. 14 июнь - туғилган куним эди. Шогирдларим туғилган кунимга мос совға беришди. Менга бундан ортиғи керак эмас.

Ўйин қийин ўтди. Майдон бироз ноқулай эди, бироқ шогирдларим тезда бунга кўникиб олишди. Ўйин давомида ташаббус бизнинг томонда бўлди. Кўплаб ҳужумлар уюштирдик. Голни ҳам чиройли киритдик. Рақиб  жарима майдончаси ичида бир неча кичик тўп оширишларини амалга оширдик. Қанотдан оширилган пасга Муроджон Тўйчибоев зарба берадигандек бўлди, бироқ тўпни ўтказиб юборди ва рақиб ҳимоячисини ҳам "қуролсизлантирди". Орипхўжа Абдуҳолиқов эса чиройли гол муаллифига айланди.

Рақиблар иккита пенальтидан гол ура олишмади. Бирини посбонимиз қайтарган бўлса, иккинчиси устунга тегди. 83-дақиқада гол урган бўлсак, шундан кейин ҳам ҳисоб ўзгариб кетиши мумкин эди.

Абдурасул Комилов Мальдив оролларининг "Мазия" жамоаси сафига кўчиб ўтди. Бу клуб айни дамда чемпионатнинг 3-поғонасини эгаллаб турибди. У кеча биз билан хайрлашди. Шунингдек, Абдуғани Камолов "Шўртан"га, Элбек Равшанов эса "Бухоро"га кўчиб ўтмоқда. Уларнинг ўрнига ҳозирча футболчи топганим йўқ.

Тақвим? Саволингизни тушундим. Жаҳон чемпионатида Про-лига бўлаётгани нормал ҳолат. Муҳими учрашувлар ўз вақтида бўлмоқда", - деди Воҳид Холбоев.

Миржалол Норматов суҳбатлашди

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика