Владислав Цейтлин Ўзбекистон ёшлар терма жамоасига семинар ўтказади
02 авг 2016 10:24
Янгиликлар
![](https://championat.asia/upload/storage/217186_original.jpg)
![](/upload/storage/217186_220.jpg)
Владислав Цейтлин Ўзбекистон ёшлар терма жамоасига семинар ўтказади
Айни дамда ФИФА тасарруфига кирувчи турнирларда янги жорий этилган қоидалар амалда қўлланилди.
Маълумот учун, шу йилнинг октябрь ойида Баҳрайнда бўлиб ўтадиган U-19 ёшлар ўртасидаги Осиё чемпионати баҳслари ҳам янги жорий қилинган қоидалар асосида ўтказилади ва бу борада унда иштирок этувчи барча терма жамоаларга маълум қилинган.
Бу борада ЎФФ терма жамоалар маркази барча ёшдаги терма жамоаларга айни дамда амалий ҳамда назарий қўлланмаларни тақдим этишни ва турли семинарлар ташкил этишни режалаштирган. Айнан шундай семинарлардан бири Ўзбекистон U-19 ёшлар терма жамоаси иштирокида 4 август куни Тошкентдаги Чиғатой ўқув базасида бўлиб ўтади. Мазкур семинарни ЎФФ Терма жамоалар маркази таклифига кўра ФИФА рефериси Владислав Цейтлин олиб боради.
Ўзбекистоннинг етакчи ҳакамларидан бири, ФИФА рефериси Владислав Цейтлин семинар давомида Ўзбекистон ёшлар терма жамоаси аъзоларига янги ўйин қоидалари бўйича тушунтирув ишларини олиб боради. Шунингдек, семинар давомида футболчилар ва мураббийлар штаби янги қоидалар борасида амалий ҳамда назарий билимларга эга бўлишади.
Ўхшаш янгиликлар
![AMP Logo](https://championat.asia/image/logo-amp.png)
Фикрлар