Виталий Левченко: "Танаффусда карточкаси борлар эҳтиёт бўлиб ўйнаши кераклиги айтилган эди"

Виталий Левченко: Ўйин дерби номига мос бўлди. Дербиларда четлатишлар бўлиши одатий ҳол. Қизил карточкагача бошқача, ундан кейин бошқача ўйин кўрдик. Атайин орқага қайтдик ва ҳисобни ушлаб туришга ҳаракат қилдик. Шу сабабли "Андижон"да вазиятлар кўп бўлди, дарвозабонимизга қойил қолиш керак, бутун жамоадан миннатдорман.

- Тома Табатадзе кўпинча вазиятлардан фойдалана олмаяпти.

- Балки шошаётгандир, балки руҳий қийинчиликлар бордик. У ўзига келиб, тинчланиб олса, ҳаммаси жойига тушиб кетади. Бизда унга нисбатан эътироз йўқ. У жамоамизнинг муҳим футболчиларидан бири.

- Нурилло Тўхтасинов бугун қизил карточка олди. Бу жамоа учун катта йўқотишми?

- Ҳа, йўқотиш. Исталган етакчи футболчи майдонга тушмаса қийинчиликлар содир бўлади, аммо унинг ўрнига муносиб футболчи билан тўлдиришга ҳаракат қиламиз. Танаффусда карточкаси борлар эҳтиёт бўлиб ўйнаши кераклиги айтилган эди. У ҳиссиётларга берилиб кетди.

- Кубок ўйинларида таркибда ротация бўладими?

- Албатта. Бундай тақвимда кам ўйин амалиётига эга бўлаётган футболчиларга имкон берилади. Иккита таркибга эгамиз.

- "Андижон"да тўп тепаётган собиқ шогирдингиз Ахтам Назаров Ўзбекистон чемпионатига кўникиб кетдими?

- Унинг ўйинига баҳо бермоқчи эмсаман. Чунки "Андижон"нинг ўз мураббийи бор. Агар у таркибда бўлса, демак мураббийнинг талабларига жавоб бермоқда. Уни Тожикистон чемпионати орқали яхши биламан. Назаров сифатли футболчи.

- Бугунги ғалабани кимга бағишлайсиз?

- Доим ғалабани мухлисларга бағишлаганмиз. Улардан миннатдорман. Клуб раҳбариятига ҳам раҳмат айтиш керак деб ўйлайман.