Виталий Денисов клуби 16 йилдан сўнг Премьер-лигага қайтди
15 май 2020 17:10
Янгиликлар

Виталий Денисов клуби 16 йилдан сўнг Премьер-лигага қайтди

РФИнинг бугунги йиғилишида Миллий Футбол Лигаси (МФЛ) якунлангани эълон қилинди.

Мавсум март ойида тўхтатилган эди ва жадвалнинг шу кўринишида мавсум тугатилди. Шундай экан, МФЛ етакчиси "Ротор" Премьер-лигага йўлланма олди.

Волгоград жамоаси 16 йилда илк бор юқори дивизионда иштирок этиши мумкин. "Ротор" 2004 йилда 16-ўринни қўлга киритган ҳолда, Премьер-лигадан чиқиб кетганди.

2005 йилнинг бошида клуб профессионал статусини йўқотди. Шундан сўнг "Ротор"ни яна оёққа турғазишга бўлган ҳаракат бошланди. Маҳаллий жамоа 2017/18 йилги мавсум МФЛда 17-ўринни қўлга киритди, кейинги йили эса 11-ўринни. Жорий йилда "Ротор" чемпионат тўхтатилгунга қадар "Химки"дан 2 очко илгарилаб кетган ҳолда, биринчи ўринни эгаллаб турганди.

Эслатиб ўтамиз, Ўзбекистон терма жамоаси собиқ форварди Максим Шацких "Ротор" устози Александр Хацкевичга ёрдамчи мураббий саналади.

Ҳавола :

Манба : Sports.ru

Янгиликларни Телеграмда ўқинг!

Рейтинг: +21